Visiwa vya Ushelisheli vilivyo katika bahari ya Hindi vimekuwa nchi ya hivi karibuni kuwa mwanachama wa makahama ya kimakataifa kuhusu uhalifu ICC ambayo imepewa jukumu la kuwashtaki na kuwahukumu watu wanaokabiliwa na vitendo vya mauaji ya halaiki ,uhalifu wa kivita pamoja na uhalifu dhidi ya ubinadamu.
Shirika la chakula na kilimo FAO leo limeonya kuwa Madascar iko katika hatari ya mlipuko wa nzige na kutishia maisha ya watu 460, 000 walioko vijijini.
Kundi wa waasi wa Uganda la Lord\'s Resistance Army LRA limeshutumiwa kuendelea na vitendo vya mauaji na utekaji hususan wa watoto nchini Jamhuri ya Afrika ya Kati, Jamhuri ya Kidemokrasia ya Congo na Sudan.
Mwakilishi maalumu wa Katibu Mkuu nchini Afghanistan Staffan de Mistura amesema nchi hiyo sasa imejikita katika maandalizi ya uchaguzi mkuu wa Wolesi Jirga ambao umesaliza siku 37 tuu kabla ya kufanyika.
Mkuu wa vikosi vya kulinda amani Darfur Sudan vya Umoja wa Mataifa na Umoja wa Afrika UNAMID Ibrahim Gambari jana Jumatano alizuru eneo la Nyala na kutoa wito wa kudumisha amani.
Shirika la mpango wa chakula duniani WFP katika kuadhimisha siku ya kimataifa ya vijana imewatolea wito vijana kote duniani kujiunga na mapambano dhidi ya njaa.
Mwaka wa kimataifa wa vijana umezinduliwa leo na Umoja wa Mataifa kwa wito wa kukumbatia vipaji, mawazo na nguvu waliyonayo vijana katika kuchagiza utengamano mzuri na majadiliano baina ya vizazi, tamaduni na dini tofauti.
Mwendesha mashitaka katika mahakama inayoungwa mkono na Umoja wa Mataifa , iliyoundwa ili kuwahukumu washukiwa wa mauaji ya waziri mkuu wa zamani wa Lebanon Rafiq Hariri na wengine 22 imwitaka serikali kukabidhi taarifa zote zinazodaiwa kuhifadhiwa na kiongozi wa Hisbollah Hassan Nasrallah ambazo ni muhimu kwa ajili ya tukio hilo la 2005.
Mkuu wa shirika la Umoja wa Mataifa la kupambana na ukimwi UNAIDS ametoa wito kwa miji duniani kuwa msitari wa mbele kuufanya ukimwi kuwa historia kwa kuongeza juhudi za kukabiliana na ugonjwa huo.
Shirika la Umoja wa Mataifa la kuhudumia watoto UNICEF linasema watoto milioni sita wameathirika na mafuriko nchini Pakistan na milioni 2.7 kati yao wanahitaji msaada wa haraka kuokoa maisha yao.
