Walinda amani watatu wa Umoja wa Mataifa kutoka Tanzaina wanaohudumu katika ujumbe wa Umoja wa Mataifa wa kulinda amani nchini Jamhuri ya Afrika ya Kati, CAR ujulikanao kama MINUSCA wamejeruhiwa jana Alhamisi katika kijiji cha Batouri Bole, mkoani Mambéré-Kadéï baada ya gari lao kukanyaga kilipuzi.
Shirika la Umoja wa Mataifa la mpango wa chakula duniani WFP, limelazimika kusitisha operesheni zake kwenye jimbo zima la Darfur Kaskazini kufuatia mfululizo wa mashambulizi katoika maghala yake yote matatu kwenye mji mkuu wa jimbo hilo El Fasher.
Mwaka 2021 ukifikia ukingoni hii leo, shirika la Umoja wa Matafa la kuhudumia Watoto UNICEF limesema mwaka huu umekuwa wa machungu na ukiukwaji mkubwa wa haki za Watoto katika mizozo ya muda mrefu na ile mipya.
Janga la ugonjwa wa Corona au COVID-19 likiendelea kutikisa dunia huku taarifa potofu kuhusu chanjo zikiendelea kusambaa, shirika la Umoja wa Mataifa la kuhudumia watoto, UNICEF nchini Kenya limechukua hatua ya kushirikiana na viongozi wa dini ikiwemo wale wa madhehebu ya kiislamu ili kusaidia kuelimisha waumini wao juu ya chanjo na faida zake katika kuepusha kusambaa zaidi kwa virusi vinavyosababisha ugonjwa huo. Taarifa ya John Kibego inafafanua zaidi.
Umoja wa Mataifa ukiendelea kutaka hatua zaidi kwa ajili ya tabianchi kama njia mojawapo ya kukabiliana na madhara ya mabadiliko ya tabianchi nchini Tanzania madhara hayo yako dhahiri kwa wafugaji wa wilaya ya Ngorongoro mkoani Arusha ambao kupitia taarifa hii iliyoandaliwa na Mathias Tooko wa Radio washirika Loliondo FM wanaeleza hali ilivyokuwa zamani na sasa.
Kampeni mpya iliyozinduliwa mwezi huu wa Desemba na shirika la Umoja wa Mataifa la idadi ya watu duniani linalohusika pia na afya ya uzazi UNFPA ya “Hakimiliki ya miwli wa binadamu” ina lengo la kuwasukuma watunga sera, sekta za teknolojia na mitandao yote ya kijamii kuuchukulia unyanyasaji na ukatili wa miili ya binadamu hususani ya wanawake mtandaoni kuwa ni suala linalohitaji kupewa uzito kama ilivyo ukiukwaji wa hakimiliki zingine. Flora Nducha na taarifa kamili
Shirika la Umoja wa Mataifa la afya ulimwenguni, WHO limesema bado lina matumaini kuwa mwaka 2022 unaweza kuwa mwaka sio tu wa kutokomeza awamu mbaya ya janga la ugonjwa wa Corona au COVID-19 bali pia kusaka mbinu thabiti za kuwa salama zaidi kiafya.
Shirika la Umoja wa Mataifa la kuhudumia wakimbizi UNHCR limetoa wito wa kuruhusiwa haraka iwezekanavyo kutia nanga kwa boti iliyosheheni wakimbizi wa Rohingya huko pwani ya Bireuen jimboni Aceh nchini Indonesia, boti ambayo yaelezwa haina viwango na inaweza kuzama wakati wowote huku abiria wengi wakiwa ni wanawake na watoto.
Shirika la Umoja wa Mataifa la kuhudumia wakimbizi UNHCR limesema limeshtushwa na kifo cha mfanyakazi mwenzao kilichotokea Kaskazini mwa Ethiopia kutokana na machafuko yanayoendelea.
Kuelekea mwaka mpya wa 2022 wakimbizi kutoka Jamhuri ya Kidemokrasia ya Congo, DRC wanaoishi katika makazi ya wakimbizi ya Kyangwali wilaya ya Hoima nchini Uganda wametoa shukrani zao kwa Umoja wa Mataifa huku wakiomba usaidizi zaidi mwaka ujao wakati huu ambapo bado kuna changamoto za kimaisha zinazosababishwa na janga la ugonjwa wa Corona au COVID-19.
