Katibu Mkuu wa Umoja wa Mataifa António Guterres ametoa waraka wa masikitiko kutokana na kifo cha Papa wa zamani wa kanisa katoliki, Benedict XVI, kilichotokea mapema leo Jumamosi.
Baraza Kuu la Umoja wa Mataifa Ijumaa hii jioni limepitisha bajeti ya dola bilioni 3.4 kwa ajili ya shughuli za Umoja wa Mataifa kwa mwaka wa 2023.
Taarifa iliyotolewa leo na shirika la Umoja wa Mataifa la Afya Duniani, WHO, imeeleza kuwa Wizara ya Afya ya Serikali ya Shirikisho (MoH) la Ethiopia imezindua rasmi kampeni jumuishi ya chanjo ya surua nchini kote tangu tarehe 22 Desemba 2022 katika hafla iliyosimamiwa na Waziri wa Afya wa Jimbo Dkt Dereje Duguma katika Kituo cha Afya cha Siriti katika Mji Mdogo wa Akaki Kaliti huko Addis Ababa.
Kwa mujibu wa utafiti mpya uliotolewa leo na tume ya Umoja wa Mataifa ya kiuchumi na kijamii kwa mataifa ya Asia Magharibi ESCAWA kuhusu maendeleo ya kiuchumi na kijamii kwenye ukanda wa nchi za Kiarabu asilimia kubwa ya watu katika ukanda huo wanaishi chini ya mstari wa umasikini licha ya ukuaji wa uchumi.
Kamishna Mkuu wa Umoja wa Mataifa wa Haki za Kibinadamu Volker Türk leo jijini Geneva, Uswisi ametoa wito wa kuwepo kwa mbinu iliyoratibiwa ya kikanda ili kuwalinda maelfu ya Warohingya waliokata tamaa wanaohatarisha maisha yao kwa kufanya safari hatari za baharini.
![[Kushoto kwenda kulia] karibu na mpira wa soka ni Katibu Mkuu wa zamani wa UN Kofi Annan, nyota wa soka wa Brazil Pele na Rais wa FIFA Joseph Blatter katika mkutano na waandishi wa habari wakitangaza uamuzi wao wa kujiunga katika uhusiano wa ushirika FIF…](https://global.unitednations.entermediadb.net/assets/mediadb/services/module/asset/downloads/preset/Libraries/Production%20Library/24-12-2022-UN-Photo-Pele-Annan-04.jpg/image350x235cropped.jpg "[Kushoto kwenda kulia] karibu na mpira wa soka ni Katibu Mkuu wa zamani wa UN Kofi Annan, nyota wa soka wa Brazil Pele na Rais wa FIFA Joseph Blatter katika mkutano na waandishi wa habari wakitangaza uamuzi wao wa kujiunga katika uhusiano wa ushirika FIF…")
Ulimwengu umeendelea kuomboleza kwa masikitiko kifo cha mcheza soka wa Brazil Edson Arantes do Nascimento, almaarufu Pelé. Kwa Umoja wa Mataifa Pelé alikuwa mshambuliaji muhimu katika kufanikisha ushindi wa malengo ya Umoja wa Mataifa.
Katibu Mkuu wa Umoja wa Mataifa António Guterres Jumanne wiki hii alimtangaza Elizabeth Maruma Mrema kutoka nchini Tanzania kuwa naibu mkurugenzi mtendaji mpya wa shirika la Umoja wa Mataifa la mpango wa mazingira UNEP.
Kutoka Austria hadi Vietnam, maeneo 32 kutoka sehemu mbalimbali ulimwenguni yametajwa kuwa 'Vijiji Bora vya Utalii kwa mwaka 2022' na Shirika la Umoja wa Mataifa la Utalii Duniani (UNWTO).
Mwanasoka nguli kuwahi kushuhudiwa duniani Pelé amefariki dunia katika hospitali ya Sao Paulo nchini Brazil akiwa na umri wa miaka 82.
Uamuzi wa mamlaka ya Afghanistan wa kuwapiga marufuku wanawake kufanya kazi katika mashirika ya kibinadamu yasiyo ya kiserikali NGO’s umeendelea kulaaniwa na wadau mbalimbali kutoka jumuiya ya kimataifa yakiwemo mashirika ya Umoja wa Mataifa wakisema ni pigo kubwa kwa jamii zilizo hatarini, kwa wanawake, kwa watoto, na kwa nchi nzima kulingana.
