Leo ni siku ya kuchangia damu duniani ambapo kwa mujibu wa shirika la Umoja wa Mataifa la afya duniani,  WHO mwaka huu siku hiyo inajikita na vijana na mchango wao katika kuokoa maisha kwa kujitolea damu. Kauli mbiu ikiwa“Toa damu na kuhakikisha dunia inaendelea kuishi”.  

Akiongea kupitia video huko London, Uingereza, Katibu Mkuu wa Umoja wa Mataifa António Guterres amesema hakuna njia nyingine ya kushinda virusi vinavyoenea katika nchi zinazoendelea "kama moto wa nyikani" na hatari za kubadilika, isipokuwa kwa njia ya usawa, chanjo kwa watu wengi, na kuongeza kuwa chanjo zinahitajika "kupatikana na za bei nafuu kwa wote ” 

Ripoti mpya ya shirika la Umoja wa Mataifa la afya ulimwenguni, WHO kuhusu ufuatiliaji wa maambukizi ya magonjwa katika maabara na matokeo ya usugu wa dawa dhidi ya vijiumbe maradhi, GLASS, inatia matumaini kuwa hivi sasa maabara nyingi zinafanya uchunguzi wa usugu huo na hivyo kutoa fursa ya utafiti na kudhibiti usugu wa dawa.
 

Leo ni siku ya Umoja wa Mataifa ya usalama wa chakula duniani, ambapo mashirika ya  Umoja wa Mataifa lile la afya ulimwenguni -WHO na la Kilimo na chakula FAO yametoa wito wa kuimarishwa kwa juhudi za kuhakikisha chakula kinacholiwa ni salama na kulifanya suala la usalama wa chakula kwa umma ni ajenda ya wote, ili kupunguza magonjwa yanayosababishwa na chakula kisicho bora na salama.