Baada ya kukumbana na shida ya kupata bidhaa za kuuza Ulaya na falme za kiarabu, mfanyabiashara mmoja mwanamke kutoka Kenya amechukua hatua ya kubuni apu ya kumwezesha kuwasiliana na wakulima ili kufanikisha biashara yake.
Benki ya Dunia imechukua hatua kusaidia Bangladesh kuimarisha huduma za afya ili nchi hiyo iweze kukabiliana na mahitaji ya wakimbizi wa Rohingya waliosaka hifadhi eneo la Cox’s Bazar nchini humo.
Ripoti mpya ya shirika la Umoja wa Mataifa la chakula na kilimo FAO kuhusu hali ya chakula duniani inasema kuwa migogoro pamoja na mabadiliko ya tabianchi vinaendelea kuwa chanzo cha ukosefu wa uhakika wa chakula katika mataifa 39 duniani.
Hii leo jaridani mwenyeji wako ni Anold Kayanda akianza na ripoti ya Umoja wa Mataifa inayosema kuwa mabadiliko ya tabianchi na majanga vitaendelea kuwa mwiba katika upatikanaji wa chakula.
Takriban watu laki nane hufariki dunia kila mwaka kutokana na kujiua. Kwa mujibu wa ripoti ya hivi karibuni ya shirika la afya ulimwenguni WHO, kujiua ni sababu kuu ya pili miongoni mwa vijana wenye umri wa kati ya miaka 15 hadi 29 kote ulimwenguni.
Umoja wa Mataifa umezitaka pande kinzani nchini Sudan Kusini ziheshimu makubaliano mapya ya kusitisha mapigano ambayo pande hizo zilitia saini hivi karibuni ili kumaliza mapigano yaliyogubika nchi hiyo tangu mwezi disemba mwaka 2013.
Watoto na barubaru milioni 303 duniani kote hawako shuleni na hivyo kutishia mustakhbali wa kundi hilo lenye umri wa kati ya miaka 5 hadi 17, imesema ripoti mpya ya shirika la Umoja wa Mataifa la kuhudumia watoto, UNICEF.
