Kwenye Ilha do Combu, pembezoni mwa Belém, Annalena Baerbock Rais wa Baraza Kuu la Umoja wa Mataifa amekutana na Dona Nena, mfanyabiashara aliyebadilisha maarifa ya jadi kuwa chanzo cha mapato katika eneo la kando ya mto, wamezungumza kuhusu athari za mabadiliko ya tabianchi, ambazo zinakausha miti, matunda na kuathiri biashara.
Katika mkutano wa Nchi wanachama wa mkataba wa mabadiliko ya tabianchi COP30 unaendelea huko mjini Belém, Brazil hoja moja imekuwa ikitawala: je, fedha za tabianchi zinaweza kugeuka kutoka ahadi kuwa msaada muhimu wa maisha kwa mataifa yaliyo kwenye mstari wa mbele wa athari za mabadiliko ya tabianchi?
Wiki ya kwanza ya Mkutano wa Umoja wa Mataifa wa Mabadiliko ya Tabianchi, COP30, unaofanyika Belém Brazil, ikielekea ukingoni, viongozi wa dunia na wanaharakati wanakutana kujadili jinsi ya kushughulikia moja ya changamoto kubwa za wakati huu, ‘janga la mabadiliko ya tabianchi,” Na athari zake kwa wakimbizi hazikupewa kisogo.
Janga la tabianchi linaendelea kubadili ramani ya uhamaji wa watu duniani. Mafuriko, mawimbi ya joto, ukame na dhoruba vinalazimisha mamilioni ya watu kuzikimbia nyumba zao kila mwaka. Wengi wao hubaki ndani ya nchi zao, lakini bado wakikosa makazi salama. Wataalamu wanaonya kwamba katika miaka ijayo, mataifa mazima yanaweza kutoweka kutokana na kupanda kwa viwango vya bahari au ukame mkali unaozuia maisha.
Wakati dunia ikishuhudia ongezeko kubwa la viwango vya joto, mashirika ya kimataifa yamezindua Mfumo na Zana ya Usimamizi wa kukabiliana Hatari za Joto Kaliduniani leo katika mkutano wa Umoja wa Mataifa wa mabadiliko ya tabianchi COP30, huko mjini Belém, nchini Brazil.
Wiki ya pili baada ya Kimbunga Melissa kupiga magharibi mwa Jamaica, mitaa ya Savanna-la-Mar na Watercress bado ipo kimya, kimya cha mji unaojaribu kujikwamua na Athari zilizoachwa na zahma hiyo. Nyumba zimebomoka, shule zimeharibiwa, maisha yamepinduliwa. Makadirio yanaonesha kuwa watu milioni 1.6 wameathirika, na sasa timu za misaada zinafanya kazi kwa haraka usiku na mchana kutoa msaada muhimu wa chakula, makazi, na usalama.
Kwa zaidi ya miaka 40, Ivanil ameishi katika nyumba iliyoinuliwa kwa nguzo, umbali wa mita 20 tu kutoka kando ya maji, katika jamii ile ile aliyo zaliwa, kwenye Kisiwa cha Marajó ambako mto Amazon unakutana na Bahari ya Atlantiki kaskazini mwa Brazil.
Kituo cha utafiti wa kusaka Suluhu kuhusu mafuriko kinachoendeshwa na Shirika la Umoja wa Mataifa la Mpango wa Maendeleo (UNDP) nchini Uganda kimetumia maarifa ya pamoja kukabiliana na changamoto za mafuriko katika eneo la Makerere Kavule, makazi yasiyo rasmi yaliyo pembezoni mwa mji wa Kampala, mji mkuu wa Uganda. Kituo hicho kimeunganisha juhudi za jamii, maarifa asilia, na teknolojia ya kisasa kubuni mfumo wa mifereji ya maji unaoendana na Mpango Mkuu wa Mifereji ya Maji wa Jiji la Kampala (Kampala Capital City Drainage Master Plan). Mfumo huu unalenga kupunguza mafuriko si tu katika jamii hiyo, bali pia katika eneo la katikati ya jiji.
Shirika la Umoja wa Mataifa la chakula na kilimo FAO limetaka ujumuishwaji wa wakulima katika mazungumzo yanayoendelea katika mkutano wa 30 wa nchi wanachama wa Mkataba wa Umoja wa Mataifa kuhusu Mabadiliko ya Tabianchi (COP30) huko Belém, Brazil.
Mahitaji ya mifumo ya baridi wa kupooza joto au viyoyozi yatarajiwa kuongezeka mara tatu ifikapo mwaka 2050, yakiendesha mabadiliko ya tabianchi na kuzidisha mzigo kwenye mifumo ya umeme kulingana na ripoti ambayo imezinduliwa leo na Shirika la Mazingira la Umoja wa Mataifa UNEP Katika mkutano wa Umoja wa Mataifa wa mabadiliko ya tabianchi COP30 unaofanyika Belém, Brazili.
