Mabadiliko ya Tabianchi

Afrika nasi tuna vipaumbele vyetu COP25- PACJA

Wakati mkutano huo wa COP25 ukiendelea mashirika ya asasi za kiraia kutoka barani Afrika yakiwakilisha nchi zaidi ya 40, chini ya mwamvuli wa Muungano wa Afrika wa haki na tabianchi (PACJA), yamedai jumuiya ya kimataifa kuchapuza mchakato na maamuzi yatakayozingatia mazingira na maslahi ya bara hilo .

Je wajua kuwa ni nchi 1 tu kati  ya 5 ndio yenye mkakati wa afya wa kukabiliana na mabadiliko ya tabianchi?

Ingawa binadamu anadhurika kwa kiasi kikubwa na madhara ya mabadiliko ya tabianchi bado serikali haziwezi mifumo ya kutosha kulinda afya za wananchi wao, limesema shirika la afya ulimwenguni, WHO katika ripoti ya tathmini yake ya kwanza kabisa iliyotolewa hii leo ikimulika nchi 101.

Tukitaka mabadiliko katika hatua kwa tabianchi, lazima sisi tuwe mabadiliko- Guterres

Katibu Mkuu wa Umoja wa Mataifa Antonio Guterres amezungumza katika vikao mbalimbali mwanzoni mwa mkutano wa 25 wa nchi wanachama wa mkataba wa kimataifa wa mabadiliko ya tabianchi, COP25 hii leo huko Madrid Hispania na kusisitiza hatua thabiti na mshikamano katika kutekeleza makubaliano ya kukabiliana na mabadiliko ya tabianchi.

Dola 5000 zamsubiri mshindi wa uhifadhi wa mazingira Tanzania

Wakati nchi wanachama wa mkataba wa kimataifa wa mabadiliko ya tabianchi, COP25 wakikutana huko Madrid, Hispania, nchini Tanzania mashirika ya Umoja wa Mataifa kwa kushirikiana na wadau wameaandaa maonyesho ya siku mbili yatakayoleta pamoja wajasiriamali wanaotekeleza miradi mbalimbali ya kukabiliana au kuhimili mabadiliko ya tabianchi.

Sekta ya kilimo ni muhimu katika kupunguza uchafuzi wa mazingira:FAO

Wakati mkutano wa 25 wa  nchi wanachama wa mkataba wa kimataifa wa mabadiliko ya tabianchi, COP 25 ukianza leo huko Madrid Hispania shirika la chakula na kilimo la Umoja wa Mataifa FAO limesema sekta ya kilimo ni mchangiaji mkubwa wa ongezeko la joto duniani.

Ni muhimu COP25 imalize sintofahamu ya ibara ya sita ya Mkataba wa Paris-Inger Andersen

Mkutano wa 25 wa nchi wanachama wa mkataba wa kimataifa wa mabadiliko ya tabianchi, COP25 ukianza hii leo mjini Madrid, Hispania, Mkurugenzi Mkuu wa shirika la Mpango wa mazingira wa Umoja wa Mataifa, UNEP Inger Andersen awali mjini New York Marekani kupitia mahojiano maalumu na UN News amesema moja ya vipaumbele vikuu vya mkutano huu itakuwa ni kufikia muafaka wa ibara ya sita ya mkataba wa Paris ambayo haikupata muafaka katika mkutano wa mwaka jana uliofanyika mjini Katowice Poland.

Utashi wa kisiasa ndio jawabu la kukabili mabadiliko ya tabianchi- Guterres

Kuelekea kuanza kwa mkutano wa 25 wa nchi wanachama wa mkataba wa kimataifa wa mabadiliko ya tabianchi, COP25 huko Madrid, Hispania hapo kesho, hii leo Katibu Mkuu wa Umoja wa Mataifa Antonio Guterres amezungumza na waandishi wa habari mjini humo na kueleza kuwa baada ya binadamu na sayari dunia kuwa katika mapambano hivi sasa dunia inajibu mashambulizi.

Watu 120 wamekufa kutoka na mafuriko na maporomoko ya udongo Kenya:OCHA

Mafuriko makubwa na maporomoko ya udongo yaliyosababishwa na mvua kubwa zinazoendelea kunyesha nchini Kenya yamasebabisha vifo vya watu 120 na uharibifu mkubwa, limesema shirika la Umoja wa Mataifa la kuratibu misaada ya kibinadamu na masuala ya dharura OCHA.

Watu zaidi ya 40 wapoteza maisha na nyumba zaidi ya 32,000 kuharibiwa na mafuriko DRC:OCHA/UNICEF

Mafuriko mabaya zaidi katika kipindi cha miaka 25 yalikumba eneo la Ubangi Kaskazini na Kusini nchini Jamhuri ya Kidemokrasia ya Congo DRC.

Bila kupunguza uchafuzi wa hali ya hewa kwa asilimia 7.6 lengo la nyuzi joto 1.5 halitafikiwa-Ripoti ya UNEP

Katika kuelekea mwaka ambao mataifa yataimarisha ahadi zao za ulindaji wa hali ya hewa zilizoafikiwa mjini Paris, ripoti mpya iliyotolewa hii leo mjini Geneva Uswisi na shirika la Mpango wa mazingira wa Umoja wa Mataifa, UNEP, imeonya kuwa, ulimwengu utashindwa kufikia lengo la nyuzi joto 1.5 la mkataba wa Paris ikiwa dunia haitapunguza hewa chafuzi kwa asilimia 7.6 kila mwaka kati ya mwaka 2020 na 2030.