Mashariki ya Kati

Mashirika ya Umoja wa Mataifa lile la kuhudumia watoto UNICEF, afya duniani WHO, linalohudumia wakimbizi wa kipalestina UNRWA na wizara ya afya ya Palestina wamezindua kampeni maalum ya chanjo, lishe na ufuatiliaji wa ukuaji wa watoto katika Ukanda wa Gaza, lengo likiwa ni kuwafikia watoto 44,000 waliokosa huduma muhimu za afya kutokana na vita vilivyodumu kwa miaka miwili.

Rais wa mkutano wa 80 wa Baraza Kuu la Umoja wa Mataifa Annalena Baerbock ametembelea wakimbizi wa kipalestina huko Doha nchini Qatar kuwajulia hali na kujionea maisha yao baada ya kuondolewa wakati wa vita kali huko Ukanda wa Gaza eneo la wapalestina linalokaliwa kimabavu na Israel na kuletwa nchini Qatar kwa ajili ya kupatiwa matibabu. Leah Mushi anatupa taswira ya ziara yake hiyo.

Shirika la Umoja wa Mataifa la Afya ulimwenguni, WHO, limeongoza uhamishwaji wa wagonjwa kutoka Gaza eneo la Palestina linalokaliwa kimabavu na Israeli, ikiwa ni  mara ya kwanza tangu kuanza kwa awamu mpya ya kusitishwa kwa mapigano kwenye  ukanda huo. Katika muda wa siku mbili, wagonjwa 41 waliokuwa katika hali mbaya pamoja na familia zao 145 wamehamishwa kutoka eneo la mgogoro, kuelekea Afrika Kusini, Uswisi na kwingineko, huku maelfu zaidi wakiendelea kusubiri matibabu ya dharura.

Mwenyekiti wa tume huru inayochunguza madai ya ukiukaji wa haki za binadamu katika ardhi ya Palestina Iliyokaliwa kwa mabavu na Israel leo ameiambia kamati ya Baraza Kuu la Umoja wa Mataifa kwamba Israel imehusika na vitendo vinne vya mauaji ya kimbari huko Gaza, huku viongozi wake wakihamasisha utekelezaji wa mauaji hayo.”

Shirika la Umoja wa Mataifa la Uhamiaji (IOM) limepeleka zaidi ya vifaa vya misaada 47,000 kwa Gaza tangu kutangazwa kwa usitishaji wa mapigano tarehe 10 Oktoba 2025 ili kusaidia familia zilizofurushwa. Kati ya vifaa hivyo, 31,000 ni vya makazi, ikiwa ni pamoja na mahema 2,500, ili kusaidia watu kujenga tena hisia za usalama na utu wao katikati ya uharibifu mkubwa. Imesema taarifa iliyotolewa leo hii huko Geneva/Amman.

Baraza la Usalama la Umoja wa Mataifa limekutana leo jijini New York kujadili masuala ya Mashariki ya Kati, ikiwemo suala la Palestina ambapo Ramiz Alakbarov, Naibu Mratibu Maalum wa kanda hiyo, ametoa taarifa  ya hali katika Baraza hilo.

Mahakama ya Kimataifa ya Haki (ICJ) leo Oktoba 22 imesema Israeli lazima itimize majukumu yake kama “anayekalia kimabavu” kwa kuhakikisha kuwa msaada unaweza kupita bila vizuizi na kwa kuheshimu haki za Umoja wa Mataifa na mashirika mengine ya kibinadamu yanayofanya kazi katika Ardhi ya Palestina Iliyokaliwa kwa Mabavu.

Huko Gaza, usitishaji mapigano unawawezesha wahudumu wa kibinadamu wa Umoja wa Mataifa kuwafikia watu wengi zaidi wanaohitaji msaada wa chakula cha kuokoa maisha, lakini ufifiaji mkubwa zaidi unahitajika ili kudhibiti kuenea kwa baa la njaa.

Mashirika ya kibinadamu ya Umoja wa Mataifa leo yamerejea kusisitiza wito wake wa kutaka mipaka yote kuingia Gaza ifunguliwe ili kuingiza kiwango kinachohitajika na misaada ya kuokoa maisha na kuepuka baa la njaa linaloongezeka.

Shirika la Umoja wa Mataifa la Masuala ya Wanawake (UN Women) limesemakuwa wanawake na wasichana lazima wawe wasanifu wakuu wa ujenzi mpya wa Gaza , ikisisitiza kwamba uwekezaji katika mashirika yanayoongozwa na wanawake ni mkakati wa amani na ukarabati.