Madini muhimu kama vile shaba, lithiamu, nikeli, kobati na madini adimu hapa duniani ambayo ni sehemu muhimu kwa ajili ya teknolojia ya nishati safi, ikijumuisha mitambo ya upepo, paneli za sola, magari ya umeme na uhifadhi wa betri amesema leo Katibu Mkuu wa Umoja wa Mataifa.
Ushahidi mpya uliotolewa na shirika la Umoja wa Mataifa la afya ulimwenguni, WHO unaonesha kuwa wakati wa janga la COVID-19 kulikuweko na matumizi yasiyo ya lazima na ya kupita kiasi ya viuavijasum au antibiotics ambayo huenda yamesababisha kusambaa kwa usugu wa viuavijiumbe maradhi au Antimicrobials.
Kuifanya Gaza kuwa tena salama na kutokuwa na mabomu inaweza kuchukua miaka 14 wamesema leo wataalamu wa Umoja wa Mataifa wa kutegua mabomu.
Ofisi ya Umoja wa Mataifa ya haki za binadamu OHCHR imeeleza kusikitishwa sana na ripoti za mauaji ya idadi kubwa ya raia, ikiwa ni pamoja na watoto, katika vijiji kadhaa katika majimbo ya Yatenga na Soum yaliyoko kaskazini mwa nchi ya Burkina Faso katika miezi ya hivi karibuni katika mazingira ya jumla ya mapigano kati ya makundi yenye silaha na vikosi vya Burkinabè.
Huko nchini Sudan jimboni Darfur Kaskazini, hususan mjini El-Fasher na viunga vyake mapigano kati ya jeshi la serikali SAF na wanamgambo wa RSF yanazidi kuwa na madhara kwa rai ana kumtia hofu kubwa Kamishna Mkuu wa Umoja wa Mataifa wa Haki za Binadamu, Volker Türk.
Mwaka mmoja wa mzozo nchini Sudan umewafanya wananchi wengi kukimbia maeneo waliyokuwa wakiishi kusaka hifadhi pamoja na kukimbilia nje ya nchi. Pamoja ya kukimbia vita lakini pia wanasalia na majeraha ndani ya mioyo yao kutokana na masahibu waliyopitia. Mmoja wao ni Bi. Fatima ambaye alibakwa na kupata ujauzito.
Hapa katika makao makuu ya Umoja wa Mataifa Mkutano wa 23 wa Jukwaa la Kudumu kuhusu Masuala ya Watu wa Asili, UNPFII ukielekea ukingoni huku mambo kadha yakiwa yamejadiliwa kwa wiki mbili na miongoni mwa mambo hayo ni suala la mabadiliko ya tabianchi na mazingira.
Kamisheni ya Umoja wa Mataifa kuhusu Uchumi barani Afrika, UNECA imetoa ripoti yake inayoainisha mambo ya kuzingatia ili hatimaye kipindi cha mpito kuelekea matumizi ya nishati salama kiweze kuwa cha haki na endelevu.
Leo ni siku ya Malaria duniani ambapo mwaka huu inahamasisha kuongeza mapambano dhidi ya ugonjwa huu ili kuwa na ulimwengu wenye usawa zaidi kwani imebainika kuwa watu wanaoishi katika mazingira magumu ndio wanaoathirika zaidi.
Jumuiya ya kimataifa ina jukumu na wajibu wa kufanya kazi kufanikisha kukwamuka kwa Gaza lakini hatuwezi kuwaambia raia wasubiri, amesema afisa wa Umoja wa Mataifa anayehusika na ufikishaji wa misaada kwenye eneo hilo lililozingirwa na Israel.
