Shirika la kuwahudumia wakimbizi la Umoja wa Mataifa UNHCR linasema kuwa mapigano yanayoendelea katika eneo la Dehiba kwenye mpaka kati ya Libya na Tunisia yamewazuia wakimbizi wanaokimbia kutoka magharibi mwa Libya likisema kuwa huenda wakimbizi hao wamejipata kati kati mwa mapigano kati ya serikali na wanaoipinga serikali.
Baraza la haki za binadamu la Umoja wa mataifa limepitisha azimio kulaani yanayoendelea Syria. Azimio hilo limepita kwa kura 26 za ndio, 9 za hapana na 7 hawakupiga kura kabisa.
Shirika la Umoja wa Mataifa la kuratibu masuala ya kibinadamu OCHA limesema makundi ya wanamgambo wenye silaha yameendelea kufanya mashambuli dhidi ya raia Magharibi mwa Ivory Coast.
Mkuu wa shirika la Umoja wa Mataifa la kupambana na madawa ya kulevya na uhalifu UNODC ametoa wito kwa sekta za umma na za kibinafsi kwenye nchi zilizostawi duniani kuchukua hatua ambazo zinaweza kuangamiza ufisadi akisema kuwa suala hilo linaweza kuzua mizozo.
Utafiti ulioendeshwa na Umoja wa Mataifa unaonyesha kuwa programu za elimu ya ujinsia kwa vijana zitakuwa za gharama ya chini ikiwa zitaunganishwa na kufanywa kuwa za lazima.
Umoja wa Mataifa kupitia kitengo chake cha upashaji habari, DPI kimeendelea kuongeza uwigo wa kutumia vyanzo mbalimbali ili kuhakikisha kwamba masuala muhimu yanayohusu umoja huo yanasambazwa kadri inavyotakiwa ulimwenguni kote.
Kutokuwepo kwa mamlaka toka kwa ujumbe wa umoja wa mataifa kwenye eneo la Sahara Magharibi ili kuangazia hali ya haki za binadamu kumeelezewa na mwakilishi wa umoja huo huko Afrika kusini kuwa ni kama " dhihaka."
Mkurugenzi mkuu wa shirika la Umoja wa Mataifa la elimu, sayansi na utamaduni UNESCO Irina Bokova ameitaka serikali ya Bolivia kufanya uchunguzi wa kina wa mauaji ya kikatili ya David Nino de Guzman aliyekuwa mkurugenzi wa shirika la habari la Bolivia.
Mfuko wa Umoja wa Mataifa wa kusaidia masuala ya kibinadamu kwa kuhakikisha msaada wa haraka kwa watu walioathirika na vita na majanga ya asili CERF, mwaka jana ulitenga dola milioni 415 ili kuyawezesha mashirika ya misaada kuwasaidia watu milioni 22 katika nchi 45.
Shirika la Umoja wa Mataifa la kuhudumia wakimbizi UNHCR limesema linahofia ongezeko la watu wanaolazimika kukimbia nyumba zao hivi karibuni Magharibi mwa Colombia kufuatia machafuko.
