Baraza la usalma la Umoja wa Mataifa wiki hii limesema upokonaji silaha na kuwarudisha katika maisha ya kawaida wapiganaji wa zamani na kukomesha tatizo kubwa la biashara haramu ya silaha ndogo ndogo ni hatua muhimu kabisa ambazo nchi za Afrika ya Magharibi zinabidi kuchukua ikiwa amani itadumishwa katika eneo hilo.
Mwakilishi wa katibu mkuu wa Umoja wa Mataifa huko Somalia amesema ameridihika kusikia ripoti kua juhudi za Ethiopia za kupatanisha ugomvi katika serekali ya mpito ya Somalia imeonesha ishara za kufanikiwa.
Umoja wa Mataifa umelaani vikali mashambulio yanayotokea huko Burundi mnamo wiki hii ambapo mfanya kazi mmoja wa Umoja wa Mataifia alijeruhiwa.
TMY:Kama tulivyo kuelezeni hapo awali katika ripoti zetu za leo tuna anza na hali ya huko Lebanon.
TMY:Matokeo mengine muhimu kwa wiki hii ni hali baada ya uchaguzi wa kihistoria ya huko jamhuri ya kidemokrasia ya Kongo.
Likiwapongeza wananchi wa Jamhuri ya Kidemokrasia ya Kongo kwa kushiriki katika uchaguzi wa kihistoria wa nchi yao, kwa sehemu kubwa kabisa kwa amani, siku ya Jumapili, Baraza la Usalama la Umoja wa Mataifa lilitoa mwito wiki hii kuwataka wawe watulivu na kusubiri matokeo ya mwisho ya uchaguzi.
Mjumbe maalum wa UM huko Somalia, Francois Lonseny Fall, amepongeza tangazo la sera lililotolewa na mawaziri wa nchi za mamlaka ya maendeleo ya pembe na Afrika ya mashariki IGAD, likidai kufuata sera za UM huko Somalia.
Afisi ya kulinda amani ya UM huko Burundi ONUB imeeleza kushangazwa na ripoti kua kulikuwepo na jaribio la kuipindua serekali ya Bujumbura, siku chache zilizopita na kwamba kuna wanasiasa mashuhuri walotiwa vizuizini.
Shirika la Umoja wa Mataifa linaloshughulikia watoto UNICEF limelaani vikali sana habari za kutokea vitendo zaidi vya ubakaji huko Zimbabwe na likihimiza sheria mpya kupitishwa kuwalinda watoto wa nchi hiyo na kutoa masomo zaidi juu ya virusi vua HIV na Ukimwi.
wiki hii jumuiya ya kimataifa imeisifu serekali ya Jamhuri ya kidemokrasia ya Kongo kwa kufanikiwa kutayarisha na kufanya uchaguzi wa kwanza kabisa wa vyama vingi katika kipindi cha zaidi ya miaka 40 iliyopita.
