Umoja wa Mataifa unasukuma mbele utu wa kuvumiliana miongoni mwa imani tofauti za kidini, na hatua ya hivi karibuni ya kuchomwa moto kitabu kitakatifu cha Koran nchini Marekani, ni eneo mojawapo ambalo umoja huo wa mataifa unasisitiza kuwa lazima jamii ziendelea kuwa na subra ya kuvumiliana.
Wajumbe kutoka sehemu mbali mbali duniani wanatarajiwa kukutana mjini Nairobi nchini Kenya kwenye mkutano wa baraza la shirika la makaazi la Umoja wa Mataifa la UN-HABITAT unaotarajiwa kung\'oa nanga tarehe 11 na kumalizika tarehe 15 mwezi huu.
Mkurugenzi mkuu wa shirika la mpango wa chakula duniani WFP Josette Sheeran ameelezea matatizo wanayopitia Wasomali baada ya kufanya ziara kwenye nchi hiyo iliyokumbwa na mapigano na ukame kwa muda mrefu.
Mkurugenzi mkuu wa shirika la Umoja wa Mataifa la elimu, sayansi na utamaduni UNESCO Irina Bokova leo ameelezea huzuni yake na kulaani vikali mauaji ya mcheza filamu Juliano Mer-Khamis aliyepigwa risasi April 4 mjini Jenin Ukingo wa Magaharibi.
Kamishina mkuu wa shirika la Umoja wa Mataifa la kuhudumia wakimbizi UNHCR Antonio Guterres amesema mgogoro wa Somalia unaweza kufikia kiwango cha kutopata suluhu endapo jumuiya ya kimataifa haitoongeza mara mbili jitihada za kutatua mgogoro huo.
Wafanyakazi wa Umoja wa Mataifa wakiongozwa na Katibu Mkuu Ban Ki-moon leo wamewakumbuka wenzao 40 waliopoteza maisha wiki iliyopita kwa kuweka shada la maua kwenye hafla maalumu katika makao makuu ya Umoja wa Mataifa hapa New York.
Wahamiaji zaidi ya 250 wanahofiwa kufa maji baada ya boti iliyokuwa imebeba watu 300 kuzama mapema leo maili 40 kutoka kisiwa cha Lampedusa Italia.
Mlinda amani wa vikosi vya pamoja vya Umoja wa Mataifa na muungano wa Afrika kwenye jimbo la Darfur Sudan UNAMID ameuawa jana Jumanne baada ya kutekwa na watu wenye sialaha.
Ofisi ya mwendesha mashitaka wa mahakama ya kimataifa ya uhalifu ICC imesema inahofia kuendelea kuzorota kwa hali nchini Ivory Coast na taarifa za karibuni kuhusu mauaji ya halaiki Magharibi mwa nchi hiyo.
Taatrifa kutoka mjini Abdjan nchini Ivory Coast zinasema masjeshi yanayompinga Rais Laurent Gbagbo aliyegoma kuondoka madarakani leo wameshambulia kasri la kiongozi huyo ambamo amejificha kuhofia usalama wake.
