Habari Mpya

Mkutano wa kuaga, Katibu Mkuu na waandishi habari wa kimataifa

Ijumanne KM Kofi Annan alikuwa na mahojiano ya mwisho, ya kuaga, na waandishi habari wa kimataifa wanaofanya kazi kwenye Makao Makuu ya UM mjini New York. Mwanadiplomasiya wa nambari ya kwanza Annan alikiri kwenye risala yake kwamba kutofanikiwa kuzuia vita na uvamizi wa Iraq lilikuwa ni tukio moja liliomhuzunisha sana kabisa katika miaka 10 aliyoitumikia taasisi hii ya kimataifa.

Ripoti ya UNICEF yalaani 'utalii wa hasharati' katika mwambao wa Kenya

Ripoti ya UNICEF iliyozingatia masuala yanayoambatana na kile kinachotambuliwa kama \'utalii wa uasherati\' katika Kenya imefichua ya kwamba karibu asilimia 30 ya vijana wa kike, ikijumuisha vijana 10,000 hadi 15,000 katika maeneo ya mwambao ya Malindi, Mombasa, Kilifi na Diani hushiriki kwenye vitendo karaha vya ukahaba na umalaya.

Muhtasari wa matukio katika Baraza Kuu la Umoja wa Mataifa

Kikao cha 61 cha Baraza Kuu la UM kinajongelea kukamilisha mijadala yake ambapo ripoti za mijadala ya zile zile kamati zake sita kuhusu masuala ya usalama, maendeleo ya uchumi na jamii, sheria ya kimataifa na bajeti la UM, ziliwakilishwa mbele ya Baraza Kuu kupigiwa kura na wajumbe wa kimataifa.

Burundi itahitajia msaada wa kimataifa kujenga amani, yasema UM

Mjumbe Maalumu wa KM kwa Burundi, Nureldin Satti aliwaambia waandishi habari wa kimataifa katika Makao Makuu ya kwamba licha ya kuwa Shirika la Ulinzi wa Amani la UM katika Burundi (ONUB) litamaliza operesheni zake mwisho wa mwezi Disemba hatua hiyo haimaanishi mchango wa kimataifa hauhitajiki tena.

Mahakama ya ICTR yataka hukumu ya Seromba irekibishwe

Mwendesha Mashtaka wa Mahakama ya UM juu ya Rwanda (ICTR) amependekeza hukumu ya kifungo cha miaka 15 aliopewa Athanase Seromba karibuni ibadilishwe kwa sababu anaamini mtuhumiwa huyo aliyekuwa padri wa Parokia ya Nyange, katika kijiji cha Kivumu alishiriki kwenye makosa ya jinai ya hali ya juu iliyohusika na mauaji ya halaiki. Kwa hivyo, Mwendesha Mashitaka angelipendelea Seromba anapewa adhabu kali zaidi.

Jamii ya kimataifa imeahidi kuimarisha Mpango wa Kimberley dhidi ya 'almasi za damu'

Hivi majuzi, Baraza Kuu la UM lilipitisha azimio muhimu liliosisitiza ya kwamba jamii ya kimataifa inawajibika kuendelea kuunga mkono juhudi za pamoja za kuboresha udhibiti wa biashara haramu ya almasi duniani.

Ban Ki-moon ameapishwa kuwa Katibu Mkuu mpya, na Baraza Kuu kumpongeza Kofi Annan

Alkhamisi tarehe 14 Disemba 2006 Ban Ki-moon kutoka Jamhuri ya Korea, aliapishwa kuwa Katibu Mkuu wa 8 wa UM mbele ya wanadiplomasiya wanaowakilisha Mataifa Wanachama 192 pamoja na wafanyakazi wa Makao Makuu ya UM, katika ukumbi wa Baraza Kuu. Ban aliapishwa na Raisi wa kikao cha 61 cha Baraza Kuu la UM, Sheikha Haya Rashed Al Khalifa wa Bahrain.

Mukhtasari juu ya Mkutano Mkuu wa Pili kuhusu Maziwa Makuu

Mkutano Mkuu wa Pili juu ya Maziwa Makuu ulioandaliwa shirika na UM pamoja Umoja wa Afrika (AU), na kuhudhuriwa na Viongozi sita wa Taifa na Mkuu mmoja wa Serekali, wakiwakilisha mataifa ya Burundi, Jamhuri ya Kidemokrasi ya Kongo (DRC), Uganda, Jamhuri ya Muungano wa Tanzania, Rwanda na Kenya ulifanyika wiki hii mjini Nairobi.

Baraza Kuu la UM limepitisha Mkataba wa Haki za Watu Walemavu

Mswada wa Mkataba wa Kulinda Haki na Hadhi za Watu Walemavu ulipitishwa, kwa kauli moja, na Baraza Kuu la Umoja wa Mataifa. Kitendo hiki kilikuwa cha historia kuu.

Baraza la Haki za Kiutu kutuma ujumbe wa uchunguzi Darfur

Baraza la UM juu ya Haki za Kiutu wiki hii mjini Geneva limepitisha, kwa kauli moja, azimio la kupeleka ujumbe maalumu wa watu watano wa hadhi ya juu, katika jimbo la Darfur, Sudan ili kutathminia na kusailia hali ambayo imeripotiwa kufurutu ada katika utekelezaji wa haki za kimsingi kwa raia.