Alkhamisi tarehe 23 Agosti iliadhimishwa na Shirika la UM juu ya Ilmu, Sayansi na Utamaduni (UNESCO) kuwa ni Siku ya Kimataifa ya Kumbukumbu juu ya Ukomeshaji wa Utumwa na Biashara ya Utumwa Duniani, hali ambayo Mkurugenzi Mkuu wa UNESCO, Koichiro Matsuura alisisitiza athari zake bado zinaendelea kupalilia dhulma, uonevu na utenguzi wa haki za kibinadamu katika sehemu kadha wa kadha za dunia sasa hivi.
Kwa mara nyingine vyombo vya habari huru huko Somalia vyapoteza waandishi habari wawili mwishoni mwa wiki iliyopita. Ali Iman Sharmarke muanzilishi na mwenyekiti wa kituo mashuhuru cha redio na televisheni pamoja na mwandishi habari wa kipindi mashuhuri Mahad Ahmed Elmi wa kituo hicho hicho, waliuliwa karibu wakati mmoja huko Mogadishu.
Baraza la Usalama limelaani vikali miripuko iliyopangwa kwa wakati mmoja wa mabomu kaskazini ya Irak na kusababisha vifo vya mamia ya watu na kusababisha wengine wengi kujeruhiwa.
Katibu Mkuu Ban Ki-moon ametangaza mipango iliyofanyiwa marekebisho juu ya kuwepo kwa vikosi vya amani vya UM huko mashariki ya Chad na kaskazini mashariki ya Jamhuri ya Afrika ya Kati, ambako kumekuwepo na ghasia.
Ingawa Liberia inakabiliwa na changa moto chungu nzima wakati inaendelea na kazi za kuikarabati nchi, baada ya miaka 14 ya vita vya weneywe kwa wenyewe, katibu Mkuu Ban KI-mmon ametoa mwito wa kupunguzwa idadi ya walinda amani nchini humo.
Mnamo miaka mitano iliyopita shirika la wakimbizi la UM UNHCR limewasiadia zaidi ya waimbizi 350 elfu kurudi nyumbani chini ya mpango mkubwa kabisa wa shirika hilo barani Afrika.
Akipongeza kufanyika kwa ufanisi uchaguzi wa kwanza wa rais na wa bunge huko Sierra Leone tangu kuondoka kwa walinda amani wa UM 2005, Katibu Mkuu Ban Ki-moon, amewahimiza wananchi wa taifa hilo la Afrika Magharibi, kuendelea kua watulivu wakati kura zinaendelea kuhesabiwa.
.Utafiti mpya ulofanya na afisi ya haki za binadam ya UM unaonesha kwamba jamii huko kaskazini ya Uganda wanawalaumu wote wanajeshi wa serekali na wapigganji wa waasi wa Lord Resistance Army LRA kwa ukatili ulotendeka wakati wa zaidi ya miaka 20 ya vita na wanataka walohusika kuhukumiwa na kuwajibika.
Karibu wazawa milioni 370 kote duniani wanaendelea kubaguliwa, kutengwa na kuishi katika hali ya umaskini kabisa na ghasia, Katibu Mkuu wa UM bw Ban Ki-moon, alitoa mwito wa kuchukuliwa hatua za dharura kukabiliana na matatizo hayo.
Baraza la Usalama la UM limepongeza maendeleo yaliyopatikana wakati wa mazungumzo ya awali, wiki iliyopita kati ya makundi ya waasi wa Darfur, na Baraza limetoa mwito kwa pande zote kuchukua hatua za dhati ili kuweza kupatikana amani ya kudmu huko Magharibi ya Sudan.
