Nchini Jamhuri ya Kidemokrasia ya Congo, DRC, shirika la Umoja wa Mataifa la kuhudumia watoto limechukua hatua kuwaondoa watoto wachimbaji madini kwenye eneo la Kipushi, jimboni Katanga-Juu na kuwapeleka shuleni, hatua ambayo imeleta furaha kwa watoto hao.
Shirika la Umoja wa Mataifa la kuhudumia watoto, UNICEF linahaha kurejesha huduma ya maji safi na salama kwa wakazi 200,000 wa mjji wa Goma jimboni Kivu Kaskazini nchini Jamhuri ya Kidemokrasia ya Congo, DRC baada ya huduma hiyo kuharibiwa na mlipuko wa volkano kwenye mlima Nyiragongo tarehe 22 mwezi uliopita wa Mei.
Mwakilishi Maalum wa Katibu Mkuu wa Umoja wa Mataifa katika ukanda wa Afrika ya Kati François Louncény Fall amehutubia Baraza la Usalama la Umoja wa Mataifa na kusema kuwa harakati za serikali kwenye ukanda huo pamoja na wadau wao kukabili janga la ugonjwa wa Corona au COVID-19 zimewezesha ukanda huo kuwa wenye idadi ndogo zaidi ya wagonjwa na vifo vitokanavyo na ugonjwa huo barani Afrika.
Wanawake na wasichana wakimbizi waliotawanywa na machafuko nchini Jamhuri ya kidemokrasia ya Congo DRC wamekuwa wakiteseka kwa muda mrefu kupata taulo za kike kila mwezi kutokana na gharama huku wakijaribu kulinda uhai wao na kuhudumia familia zao baada ya kukimbia vita. Lakini sasa kwa msaada wa mradi wa shirika la Umoja wa Mataifa la kuhudumia wakimbizi UNHCR wanaweza kujishonea taulo hizo na kujisitiri.
Shirika la Umoja wa Mataifa la kuhudumia wakimbizi, UNHCR na wadau wengine wanawasaidia watu waliolazimika kuyakimibia makazi yao baada ya mlipuko wa volkano katika Mlima Nyiragongo nchini Jamhuri ya Kidemokrasia ya Kongo, DRC. Wengi walivuka mpaka kwenda nchi jirani ya Rwanda ambako sasa wanapata usaidizi.
Katibu Mkuu wa Umoja wa Mataifa Antonio Guterres amelaani vikali mashambulio ya siku ya Jumatatu yaliyofanywa na waasi wa Allied Democratic Forces (ADF) dhidi ya wakimbizi wa ndani huko Mashariki mwa Jamhuri ya Kidemokrasia ya Congo, DRC na kusababisha vifo vya raia 55 na wengine wengi wamejeruhiwa.
Katika kuadhimisha siku ya walinda amani hii leo Katibu Mkuu Antonio Guterres amezungumza na vijana katika opefresheni za ulinzi wa amani upande wa polisi, jeshi na shughuli za kiraia na kupongeza mchango wao katika amani na usalama.
Walinda amani wa Tanzania wanaohudumu katika kikosi cha 8, TANZBATT_8 kwenye Brigedi ya kujibu mashambulizi, FIB ya ujumbe wa Umoja wa Mataifa wa kulinda amani nchini Jamhuri ya Kidemokrasia ya Congo, DRC, MONUSCO wamezungumzia kile ambacho wanafanya katika kusongesha jukumu la Umoja wa Mataifa la kulinda amani kwenye taifa hilo lililogubikwa na mapigano ya wenyewe kwa wenyewe kwa miongo kadhaa sasa.
Mchango wa vijana katika kuleta amani haupingiki na kuanzia Jamhuri ya Afrika ya Kati CAR hadi Jamhuri ya Kidemokrasia ya Congo DRC mpaka Lebanon, walinda amani wa Umoja wa Mataifa wanafanya kazi na vijana kupunguza machafuko na kudumisha amani, ikiwemo upokonyaji wa silaha, kuwakusanya na kuwarejesha tena katika jamii na kuwaingiza katika program za kupunguza machafuko katika jamii.
Shirika la Umoja wa Mataifa la Uhamiaji, IOM na wadau wake wa masuala ya kibinadamu wamesambaza misaada ya dharura kwa familia za watu ambao wamelazimika kukimbia makwao kutokana na mafuriko yaliyosababishwa na kuongezeka kwa kina cha maji cha Ziwa Tanganyika na mto Rusizi.
