DR Congo

Wakati zaidi ya Wananchi 7,000 raia wa Jamhuri ya Kidemokrasia Kongo DRC wamepata hifadhi katika nchi jirani ya Uganda, ofisi ya Umoja wa Mataifa ya uratibu wa misaada ya dharura OCHA imesema takriban watu 521,000 wameyakimbia makazi yao tangu Machi 2022 kutokana na mapigano katika maeneo ya Rutshuru na Nyiragongo, kaskazini mwa DRC.

Hatimaye hii leo Baraza la Usalama la Umoja wa Mataifa limepitisha azimio linalotengua kipengele cha azimio lake la awali namba 1533 linalotaka nchi zinazouzia silaha Jamhuri ya Kidemokrasia ya Congo, DRC kutoa kwanza taarifa kwa kamati ya Baraza hilo inayohusika na vikwazo dhidi ya taifa hilo la Maziwa Makuu barani Afrika. 

Charlotte Fatuma na Neema Cenga ni wakimbizi kutoka Jamhuri ya Kidemokrasia ya Congo, DRC na sasa wanaishi ukimbizini nchini Msumbiji katika jimbo la Nampula. Kwa sasa Charlotte ni mjasiriamali mwenye mafanikio makubwa, akiendesha biashara ya duka kwenye makazi ya wakimbizi ya Coranne huku Neema naye akijitahidi kulea na kusomesha watoto wake.  

Ripoti ya uchunguzi wa awali uliofanywa na ujumbe wa Umoja wa Mataifa wa kulinda amani nchini Jamhuri ya Kidemokrasia ya Congo, DRC na ofisi ya Umoja wa Mataifa ya haki za binadamu imethitibisha kuwa takribain raia 131 waliuawa wakati waasi wa M23 waliposhambulia vijiji viwili kwenye mji wa Rutshuru jimboni Kivu Kaskazini nchini humo.

Kufuatia ziara yake rasmi katika Jamhuri ya Kidemokrasia ya Congo kuanzia tarehe 10-13 Novemba 2022, Mshauri Maalum wa Umoja wa Mataifa kuhusu kuzuia mauaji ya kimbari, Alice Wairimu Nderitu amesikitishwa sana na kuongezeka kwa ghasia katika Ukanda wa Maziwa Makuu ambako Mauaji ya Kimbari yam waka 1994 dhidi ya Watutsi nchini Rwanda yalitokea. 

Wajumbe wa Baraza la Usalama la Umoja wa Mataifa wamelaani vikali kurejea upya kwa mashambulizi yanayofanywa na waasi wa kikundi cha M23 huko jimboni Kivu Kaskazini, Mashariki mwa Jamhuri ya Kidemokrasia ya Congo, DRC na kitendo cha waasi hao kuendelea kusonga mbele kuelekea mji mkuu wa jimbo hilo, Goma na maeneo mengine.

Nchini Jamhuri ya Kidemokrasia ya Congo, DRC mapigano kati ya jeshi la serikali FARDC na waasi wa kundi la M23 yalianza tena jana Jumapili kwenye eneo la Kibumba jimboni Kivu Kaskazini mashariki mwa taifa hilo. 

Shirika la Umoja wa Mataifa la Kuhudumia Wakimbizi UNHCR limerejea wito wake kwa kupiga marufuku kulazimisha wasaka hifadhi kurudi makwao kwa nguvu nchini Jamhuri ya Kidemokrasia ya Kongo DRC, ikiwa ni pamoja na wasaka hifadhi ambao madai yao yamekataliwa, katika majimbo ya Kivu Kaskazini, Kivu Kusini, na Ituri.

Umoja wa Mataifa umesema kuwa ujumbe wake wa kulinda amani nchini Jamhuri ya Kidemokrasia ya Congo, DRC, MONUSCO, hauna mamlaka ya  kuanzisha au kurekebisha kanuni ya utoaji wa taarifa kuhusu ununuzi wa silaha. 

Wanajeshi wa kikosi maalum kutoka Guatemala wanaohudumu kwenye ujumbe wa Umoja wa Mataifa wa kulinda amani nchini Jamhuri ya Kidemokrasia ya Congo, DRC, MONUSCO wameanza kupatia mafunzo wanajeshi wa jeshi la serikali nchini humo, FARDC ili waunde platuni mbili za jeshi hilo za ukomandoo na vikosi maalum na hatimaye waweze kukabiliana na vikundi vilivyojihami.