Wiki ya ngazi ya juu ya Baraza Kuu la Umoja wa Mataifa 2023, Mkutano wa Malengo ya Maendeleo Endelevu (SDG) itashuhudia viongozi wa dunia wakikusanyika mjini New York tarehe 18 na 19 Septemba. Kusudi lao: kurudisha ulimwengu kwenye mstari kuelekea mustakabali wa kijani kibichi, safi, salama na wa haki kwa wote.
Binti Jacqueline, raia wa nchini Malawi alikuwa na umri wa miaka 15 alipozama kwenye dimbi la mapenzi na kijana kutoka kijiji kingine. Wawili hao walitoroka nyumbani na kwenda kuishi kinyumba badala ya kufunga ndoa rasmi.
Wakati ule umewadia tena! Macho na masikio ya dunia kuelekezwa makao makuu ya UN jijini New York, Marekani baadaye mwezi huu wakati Baraza Kuu la Umoja wa Mataifa, (UNGA) litakapokaribisha marais, malkia na wafalme, mawaziri wakuu na wakuu wa nchi kutoka nchi 193 wanachama wa Umoja wa Mataifa.
Viongozi wa Afrika wanatarajiwa kukutana jijini Nairobi, kenya wiki ijayo kwa jaili ya wiki ya mkutano wa Mabadiliko ya Tabianchi, Mkutano wa kila mwaka ambao wanatarajiwa kujadili njia mbalimbali za kupunguza utoaji wa gesi chafuzi huku wakija na mbinu za mnepo wa kukabiliana na athari za hali ya hewa.
Mjane wa mfanyakazi wa Umoja wa Mataifa ambaye alikufa katika shambulio la kigaidi kwenye Makao Makuu ya Umoja wa Mataifa huko Baghdad, Iraqi amekuwa akielezea jinsi “tukio hilo lililogharimu maisha ya mume wake “lilivyochukua semehu ya Uhai wake.”
Kila mwaka maelfu ya wahamiaji kutoka maeneo mbalimbali ikiwemo Afrika hujaribu kufika Ulaya wakivuka bahari ya Mediterania kwa lengo la kwenda kusaka maisha bora lakini safari hiyo inaelezwa kuwa ni hatari sana kwani maelfu ya watu hufa maji au kutoweka. Evariste Mapesa anatupeleka nchini Gambia kusikia simulizi ya kijana ambaye chupuchupu apoteze maisha.
Kulingana na shirika la Umoja wa Mataifa la kuhudumia watoto UNICEF, watoto wanaonyonya maziwa ya mama pekee katika miezi sita ya mwanzo ya uhai wanapiga hatua nzuri za kiafya kama anavyoelezea Kasha Mutenyo kwamba, "umuhimu wa kwanza wa kunyonyesha ni kwamba afya ya mtoto inaimarika na haugui kila wakati. Sio ghali, ni salama na hauhitaji vifaa vyovyote kumnyonyesha mtoto. Pia inamsaidia mama kupanga uzazi.”
Koketso Mokubane, mwanaume huyu raia wa Afrika Kusini alibainika kuwa na Homa ya Ini C. Amesimama nje ya kituo cha matibabu cha Sediba Hope kwenye kitongoji cha Tshwane. Koketso anafanya kazi ya kwenye ofisi ya Mtandao wa Watu wanaotumia dawa za kulevya nchini Afrika Kusini. Hili ni shirika lisilo la kiserikali linalopata msaada kupitia ofisi ya Umoja wa Mataifa ya kukabiliana na Dawa na Uhalifu, (UNODC) kwa lengo la kutetea haki za watu wanaotumia dawa za kulevya.
Kila siku katika kituo cha mapokezi cha Bulukat , shirika la Umoja wa Mataifa la idadi ya watu na afya ya uzazi UNFPA kinaendesha mafunzo kuhusu tishio la ukatili wa kijinsia na takriban watu 85 wanahudhuria ambapo wanajifunza pia kuhusu huduma na msaada uliopo kwa manusura wa ubakaji.
Jukwaa la ngazi ya juu la Umoja wa Mataifa la kisisa kuhusumalengo ya maendeleo endelevu HLPF, limefunga pazia mjini New York Marekani leo tarehe 19 Julai na kuweka msingi kwa ajili ya mkutano muhimu wa SDG utakaofanyika mwezi Septemba.
