Shirika la UM juu ya Miradi ya Chakula Duniani (WFP) limetoa mwito unaotaka lifadhiliwe haraka msaada wa dola milioni 12.6 ili kunusuru maisha ya raia muhitaji 700,000 wa Angola – wingi wao wakiwa watoto wadogo na wahamiaji waliofanikiwa kurejea makwao hivi karibuni.
Makamu KM juu ya Operesheni za Amani za UM, Jean-Marie Guehenno aliwaarifu waandishi habari wa kimataifa katika Makao Makuu kwamba ni muhimu kwa jamii ya kimataifa kufanyisha mazungumzo ya hali ya juu na Serekali ya Sudan ili kuondosha hali ya kutofahamiana na kutoaminiana, pindi tumenuia kuwasilisha mafanikio ya kudumu kuhusu pendekezo la kutuma majeshi ya amani ya UM katika Darfur, Sudan.
Mwakilishi wa KM juu ya Usomali, Francois Lonseny Fall wiki hii aliwaarifu waandishi habari wa kimataifa ya kuwa lengo kuu la UM katika Usomali ni kuwahimiza wafuasi wa makundi ya Kiislamu na wawakilishi wa Serekali ya Mpito (TFI) kuendelea kujadiliana na kushauriana juu ya uwezekano wa kurudisha, kipamoja, salama na amani katika taifa lao.~~
Katika mkutano uliofanyika mjini Rabat, Morocco wiki hii ambapo mawaziri kutoka mataifa karibu 60 ya Ulaya na Afrika walizingatia suala la wahamaji, kulitolewa mwito wa pamoja uliopendekeza Shirika la UM juu ya Huduma za Wahamiaji (UNHCR)lihusishwe kuyasaidia mataifa haya kudhibiti vyema tatizo gumu,
Mataifa sita, baadhi yao kutoka sehemu ya Kusini ya Bahari ya Hindi, ikijumuisha Visiwa vya Comoros, Ufaransa, Kenya, Msumbiji, New Zealand na Ushelisheli yametiana sahihi maafikiano ya kutunza na kuhifadhi, kwa ushirika, mali ya asili ya samaki katika maeneo yao.
Baada ya mijadala ya wiki mbili hapa Makao Makuu iliozingatia ule Mpango wa Utendaji uliopitishwa mwaka 2001 kudhibiti biashara haramu ya silaha ndogo ndogo duniani wajumbe wa kimataifa walishindwa kupitisha azimio la pamoja kuhusu kikao hicho.
Miaka mitano baada ya Umoja wa Mataifa (UM) kupitisha Mpango wa Utendaji wa kukabiliana na biashara haramu ya silaha ndogo ndogo na silaha nyepesi katika dunia, Makao Makuu ya UM yalishuhudia mkusanyiko wa hali ya juu wa wawakilishi karibu 2,000 wa kimataifa kutoka serikali wanachama mbalimbali, pamoja na mashirika ya kikanda na kimataifa kwa makusudio ya kuzingatia uwezekano wa kulikomesha tatizo la kuenea kwa silaha ndogo ndogo na silaha nyepesi katika ulimwengu.
Katibu Mkuu (KM) wa Umoja wa Mataifa (UM) Kofi Annan kwenye Mkutano Mkuu wa Umoja wa Afrika (AU)uliofanyika majuzi katika mji mkuu wa Banjul, Gambia aliwaambia wajumbe wa Mataifa Wanachama ya kuwa anajumuika kusherehekea nao, kidhati, mafanikio ya kidemokrasia yaliyojiri miaka ya karibuni katika bara la Afrika.
Mnamo mwaka 2001 wawakilishi wa Mataifa Wanachama katika UM walipitisha, kwa kauli moja, Mpango wa Utendaji uliokusudiwa kuihamasisha jamii ya kimataifa kushirikiana kuratibu kanuni mpya za kuboresha sheria za kitaifa zinazohitajika kudhibiti biashara haramu ya silaha ndogo ndogo ulimwenguni.
Shirika la UM juu ya Mfuko wa Maendeleo kwa Watoto (UNICEF)limeripoti kuwa linahitajia kufadhiliwa haraka msaada wa dola milioni 43 kukidhia mahitaji ya dharura ya kiutu kwa mamilioni ya wanawake na watoto wadogo waliokabiliwa na tatizo haribifu la ukame katika eneo la Pembe ya Afrika.
