Baraza la Usalama, limekubali kupeleka jeshi la kulinda amani la Umoja wa mataifa la zaidi ya wanajeshi elfu 17 katika jimbo lenye ghasia la Darfur huko Sudan, ifikapo mwisho wa mwaka huu.
Mratibu wa huduma za dharura wa Umoja wa mataifa huko Chad, ambako kuna maelfu na maelfu ya wakimbizi wa Kisudan kutoka jimbo la Darfur, ameonya kwamba kutaweza kutokea maafa makubwa ya kibinadamu, ikiwa serekali za nchi hizo mbili hazitotanzua tofauti kati yao na kutafuta njia za kusitisha ghasia.
Mjumbe maalum wa Katibu mkuu huko Somalia Bw Francois Fall alikutana na kundi la wajumbe wa kimataifa linalo jaribu kutafuta njia za kudumisha amani na maendeleo katika taifa hilo la pembe mwa afrika na kujadili njia za kuimarisha msaada wa kimataifa katika juhudi zao
Afisi ya Umoja wa mataifa huko Jamhuri ya Kidemokrasia ya Kongo, MONUC ilitangaza wiki hii kuwa wagombea wawili walobaki wa kiti cha rais huko kutokana na uchaguzi wa mwezi uliyopita, wamekubaliana kuunda tume ya pamoja kuchunguza ghasia zilizotokea baada ya kutolewa matokeo ya awali,
Kufuatana na ripoti mpya ya Katibu Mkuu Koffi Annan, kwa Baraza la Usalama, ni kwamba licha ya maendeleo makubwa yaliyopatikana, Sierra Leone inakabiliwa na matatizo na vitisho muhimu katika usalama wake
Akina mama na watoto wa kaskazini mwa Sudan watafarijika hivi sasa kwa kuweza kupata machanjo muhimu ya kuokoa maisha na madawa ya malaria pamoja na huduma za afya kutokana na msaada kutoka serekali ya Japan wa dola milioni 4.5 ulokabidhiwa UNICEF. Shirika la watoto linaeleza kua msaada huo utasaidia kuimarisha afya ya kiasi ya watu milioni 3 na nusu.
Mkutano mkuu wa 16 juu ya UKIMWI ulimalizika wiki iliyopita huko Toronto mji mkuu wa Canada na mwito kutolewa juu ya kuimarisha matibabu na kuhamasisha watu juu ya hatari ya janga hilo.
Wiki hii kwenye Umoja wa Mataifa wajumbe kutoka pembe zote za dunia wanakutana hapa New York katika juhudi za kukamilisha mkataba wa kimataifa juu ya haki za walemavu.
Kama tunavyojua mkutano mkuu wa UM wa kumi na sita juu ya UKIMWI ulifanyika hivi karibuni katika mji wa Toronto, Kanada kuanzia tarehe 13 hadi 18 Agosti na kujumuisha wajumbe kadha kutoka pembe mbalimbali za kimataifa.
Suala la wanawake na watoto ilipewa kipaumbele kwenye mazungumzo ya Toronto, hasa kulitolewa mwito kuwapatia wanawake mamlaka zaidi ili waweze kujikinga kutokana na ghasia na tumiaji nguvu dhidi yao.
