Habari Mpya

Mwigizaji maarufu wa michezo ya sinema Marekani, Ben Affleck ambaye pia ni mwongozaji filamu, akijumuika na mwimbaji wa kundi la Rolling Stone, Mick Jagger, leo wamewasilisha rasmi filamu fupi ilionyeshwa Makao Makuu ya UM mjini New York, inayoitwa “Nipe Hifadhi ya Makazi/Gimme Shelter”, kwa lengo la kuchangisha fedha za kuwasaidia kihali wahamiaji 250,000 katika Jamhuri ya Kidemokrasi ya Kongo (JKK), waliong’olewa makwao baada ya kufumka mapigano katika eneo la mashariki. UM unahitajia kufadhiliwa msaada wa dola

Leo asubuhi, KM Ban Ki-moon alifanyisha kikao maalumu cha kufunga mwaka, na waandishi habari wa kimataifa katika Makao Makuu ya UM. Aliashiria kazi za UM katika mwaka 2009 zitafuatana na ugumu utakaovuka matatizo ya mwaka huu:~

Mkutano wa siku tatu kuzingatia ‘Utunzaji wa Maji kwa Kilimo na Nishati katika Afrika’, uliofanyika kwenye mji wa Sirte, Libya, kuanzia Ijumatatu tarehe 15 Disemba na kuongozwa na Shirika la UM juu ya Chakula na Kilimo (FAO), umehitimishwa leo Ijumatano, Disemba 17, 2008.

Baraza la Usalama leo asubuhi limezingatia masuala juu ya Mashariki ya Kati, na baadaye kushauriana kuhusu Lebanon, vurugu la Jamhuri ya Kidemokrasi ya Kongo, uzatiti wa huduma za amani katika Liberia na masuala yanayohusu utulivu katika Jimbo la Maziwa Makuu. ~~

Shirika la UM juu ya Huduma za Wahamiaji (UNHCR) limetangaza kuchukizwa na mauaji ya kikatili, yaliotukia jana Ijumatatu katika jimbo la Kivu Kaskazini, katika JKK, dhidi ya mfanyakazi wa shirika lisio la serikali la Kitaliana, linaloitwa Jumuiya ya Hiari kwa Huduma za Kimataifa (AVSI).

Katika taarifa nyengine, UNHCR inajiandaa kupokea wahamiaji wanaolekea Sudan Kusini hivi sasa, kufuatia ripoti za kuanzishwa operesheni za pamoja za kijeshi zilizojumuisha vikosi vya Jamhuri ya Kidemokrasi ya Kongo, Uganda na kutoka Sudan Kusini, askari ambao wana lengo la kuwafyeka kutoka mafichoni waasi wa Uganda wa kundi la LRA, waliojizatiti kwenye maeneo yaliopo kaskazini-mashariki ndani ya JKK, kwenye Mbuga ya Taifa ya Garamba.

Shirika la Kimataifa la Jumuiya za Msalaba Mwekundu na Hilali Nyekundu (IFRC) limeripoti kukhofia hali Zimbabwe huenda ikachafuka zaidi kwa sababu ya majira ya mvua yanayonyemelea karibuni nchini.

Shirika la Miradi ya Chakula Duniani (WFP) limeashiria litakabiliwa na jukumu kubwa la kuhudumia chakula watu wenye njaa milioni 100 ulimwenguni katika mwaka 2009.

Ijumanne alasiri Baraza la Usalama limepitisha azimio, liliothibitisha wazi kuunga mkono majadiliano yalioanzishwa mwaka jana kwenye mji wa Annapolis, Maryland, Marekani kuhusu suala la amani baina ya Waisraili na WaFalastina. Vile vile azimio limeahidi kuhakikisha mazungumzo ya pande mbili, baina ya Waisraili na WaFalastina, hayatotenguliwa wala kubadilishwa. Azimio liliodhaminiwa bia na Marekani na Urusi lilipitishwa na mataifa 14 kati ya wajumbe 15 wa Baraza. Libya iliamua kutopiga kura.

Shirika la UM juu ya Miradi ya Chakula Duniani (WFP) limetoa taarifa ya kuushukuru Umoja wa Ulaya (EU) kwa kupeleka manowari kwenye mwambao wa Usomali zitakazolinda zile meli zilizobebeba shehena ya misaada ya chakula dhidi ya maharamia.