Habari Mpya

Majadiliano ya jumla kwenye kikao cha Baraza Kuu cha wawakilishi wote bado yanaendelea Makao Makuu na yameingia siku ya sita.~~ Lakini kwenye mjadala wa siku ya tano, Ijumamosi, Waziri wa Nchi za Kigeni wa Shirikisho la Urusi, Sergey V. Lavrov alwaambia wawakilishi wa kimataifa usalama wa majimbo yaliojitenga katika Georgia, ya Abkhazia na Ossetia Kusini, sasa utadhaminiwa kihakika baada ya taifa lake kutambua uhuru wa maeneo hayo. ~

Shirika la UM juu ya Huduma za Wahamiaji (UNHCR) limeripoti wanakadiria raia wa Usomali 52 walifariki, [wiki iliopita] baada ya mashua iliotumiwa kuwavusha kimagendo kuelekea Yemen ilipoharibika na kuyoyoma kwa siku 18 bila ya chakula wala maji kwenye Ghuba ya Aden.

Mkutano Mkuu wa Mataifa Wanachama 145 wa Shirika la Kimataifa juu ya Matumizi ya Amani ya Nishati ya Kinyuklia (IAEA), utakaochukua wiki nzima, umefunguliwa rasmi mjini Vienna Ijumatatu ya leo.

Ndege ya helikopta iliokodiwa na UM kuhudumia Vikosi vya Mchanganyiko vya UM/UA kwa Darfur (UNAMID) iliripotiwa kuanguka na kuharibiwa kabisa ilipoanza kuruka kutoka Nyala, mji mkuu wa Darfur Kusini. Wahudumu wanne wa helikopta hiyo walifariki. Marie Okabe, msemaji mshiriki wa KM, aliwaambia waandishi habari ya kwamba ripoti za awali zilizopokewa na UM zimethibitisha ndege yote iliteketea. Taarifa ziada zinatarajiwa kutangazwa baada ya UNAMID kumaliza uchunguzi kamili kuhusu ajali.~

Kundi la kimataifa la wapatanishi wa pande nne wanaohusika na suluhu ya amani katika Mashariki ya Kati, ambao walikutana Makao Makuu ya UM Ijumaa, lilitoa mwito maalumu unaowataka WaFalastina kuahidi kukomesha vitendo vya kutumia mabavu na kuitambua Israel.

Waziri wa Mambo ya Nje wa Syria, Walid Al-Moualem leo Ijumamosi aliwaambia wajumbe wa kimataifa waliohudhuria kikao cha Baraza Kuu cha wawakilishi wote ya kwamba mazungmzo yasiodhahiri yanayofanyika sasa na Israel, yanayoongozwana Uturuki, yana uwezo wa kuandaa amani kati yao pindi vipengele fulani vitakamilishwa.

Waziri wa Masuala ya Nchi za Kigeni wa Ujerumani, Frank-Walter Steinmeir Ijumaa alilwaambia wajumbe waliohudhuria kikao cha 63 cha Baraza Kuu hapa Makao Makuu ya kwamba matatizo muhimu yanayokabili ulimwengu wetu kwa sasa hayatoweza kupatiwa suluhu ya kuridhisha mpaka pale nchi zote za ulimwengu zitakapochangisha juhudi zao kipamoja kuyatatua masuala hayo – kuanzia masuala ya kurudisha utulivu katika Afghanistan na Pakistan, kuimarisha amani Mashariki ya Kati na kupunguza urimbikizaji na pia matumizi ya silaha za mauaji ya halaiki ulimwenguni.

Baraza la Usalama limepitisha, kwa kauli moja, azimio linaloitaka Iran kutekeleza, haraka, kwa ukamilifu yale maazimio yaliopita ya Baraza yalioshurutisha kusitishwa shughuli za kusafisha madini ya yuraniamu halisi inayotumiwa ama kuzalisha nishati ya umeme au silaha, na kuitaka ishirikiane nawakguzi wa Shirika la UM juu ya Matumizi ya Amani ya Nishati ya Nyuklia (IAEA). ~~

Ijumaa wingi wa viongozi wa dunia, kwenye majadiliano ya wawakilishi wote yaliofanyika katika ukumbi wa Baraza Kuu, yalioingia siku ya tano, walikubaliana juu ya umuhimu wa kuikabidhi UM madaraka ya kusimamia juhudi za kusuluhisha mizozo iliojiri hivi sasa kwenye soko la kimataifa, kuhusu mifumko ya bei za chakula na kupanda kwa kasi kwa bei za nishati pamoja na matatizo ya fedha katika soko la kimataifa.

Mnamo siku ya tatu, na ya nne, ya majadiliano ya wawakilishi wote kwenye ukumbi wa Baraza Kuu la UM, ambayo yalifanyika Alkhamisi na Ijumaa, wingi wa viongozi wa kutoka Afrika, hususan wale waliowakilisha mataifa ya kusini ya Sahara, walishtumu na kulaumu juu ya namna mifumko ya bei za chakula na nishati kwenye soko la kimataifa zilivyoathiri na kuhariibu shughuli zao za kiuchumi na jamii.~