Habari Mpya

Miaka mitano baada ya Umoja wa Mataifa (UM) kupitisha Mpango wa Utendaji wa kukabiliana na biashara haramu ya silaha ndogo ndogo na silaha nyepesi katika dunia, Makao Makuu ya UM yalishuhudia mkusanyiko wa hali ya juu wa wawakilishi karibu 2,000 wa kimataifa kutoka serikali wanachama mbalimbali, pamoja na mashirika ya kikanda na kimataifa kwa makusudio ya kuzingatia uwezekano wa kulikomesha tatizo la kuenea kwa silaha ndogo ndogo na silaha nyepesi katika ulimwengu.

Katibu Mkuu (KM) wa Umoja wa Mataifa (UM) Kofi Annan kwenye Mkutano Mkuu wa Umoja wa Afrika (AU)uliofanyika majuzi katika mji mkuu wa Banjul, Gambia aliwaambia wajumbe wa Mataifa Wanachama ya kuwa anajumuika kusherehekea nao, kidhati, mafanikio ya kidemokrasia yaliyojiri miaka ya karibuni katika bara la Afrika.

Mnamo mwaka 2001 wawakilishi wa Mataifa Wanachama katika UM walipitisha, kwa kauli moja, Mpango wa Utendaji uliokusudiwa kuihamasisha jamii ya kimataifa kushirikiana kuratibu kanuni mpya za kuboresha sheria za kitaifa zinazohitajika kudhibiti biashara haramu ya silaha ndogo ndogo ulimwenguni.

Shirika la UM juu ya Mfuko wa Maendeleo kwa Watoto (UNICEF)limeripoti kuwa linahitajia kufadhiliwa haraka msaada wa dola milioni 43 kukidhia mahitaji ya dharura ya kiutu kwa mamilioni ya wanawake na watoto wadogo waliokabiliwa na tatizo haribifu la ukame katika eneo la Pembe ya Afrika.

Shirika la UM Linalohudumia Wahamiaji (UNHCR) wiki hii limesaidia kwenye huduma za kuwarudisha Sudan ya kusini wahamiaji 262 kutoka Uganda ya Kaskazini. Idadi hii inajumlisha wahamiaji 10,000 kati ya 350,000 waliopo mataifa jirani na Sudan wanaotegemea kurudishwa makwao na UNHCR.

Uchambuzi wa utafiti wa Shirika la Afya Duniani (WHO) umethibitisha kuwepo hatari kuu ya kufumka maambukizo ya virusi vya vya H5N1 miongoni ya wanadamu vitakavyozushwa na ndege na kuku wa mifugo.

Alkhamisi Baraza jipya la UM juu ya Haki za Kiutu limepitisha azimio la “kumpeleka haraka” Mkariri Maalumu wa haki za binadamu, John Dugard, katika yale maeneo yaliokaliwa kimabavu ya Wafalastina.