Takwimu mpya kuhusu mripuko wa ugonjwa wa kipindupindu katika Zimbabwe, zilizosajiliwa na kuthibitishwa na Shirika la Afya Duniani (WHO) mnamo tarehe 25 Disemba zinaonyesha idadi ya wagonjwa wa maradhi hayo siku hiyo ilikuwa 26,497, wakati jumla ya vifo vilirikodiwa ilifikia 1,518.~
WHO imeripoti hivi sasa wataalamu wa idara zinazohusika na matibabu ya magonjwa ya miripuko, wamejumuika na Wizara ya Afya na washiriki wengine wa kimataifa, kuratibu miradi maalumu itakayoongozwa na Kituo cha Udhibiti wa Kipindupindu, kwa madhumuni ya kuhudumia bora sekta ya afya ili kukomesha, halan, uenezaji wa maradhi nchini. Kwa mujibu wa taarifa ya WHO sekta ya
Maradhi yanayotiliwa shaka kuwa ni ya homa ya Ebola, yameripotiwa kuibuka katika JKK, kwenye jimbo la Occidental Kasai, na kuuwa watu tisa kufuatia maambukizo ya wagonjwa 92.
Matokeo ya utafiti wa karibuni, uliodhaminiwa na UM kuchunguza mahitaji ya wanafunzi vijana na watoto wanaoishi na virusi vya UKIMWI katika mataifa ya Namibia na Tanzania, yameonyesha mara nyingi kundi hili dhaifu kiafya, hunyimwa misaada wanayohitajia kujiendeleza kiilimu.
Shirika la UM juu ya Mfuko wa Maendeleo kwa Watoto (UNICEF) mapema wiki hii limetiliana sahihi na Jeshi la Sudan, pamoja na Halmashauri ya Taifa juu ya Ustawi wa Watoto, ile Taarifa ya Mafahamiano yenye kuahidi watoto wote, pote nchini, watapatiwa hifadhi imara na madhubuti katika Sudan.
Ofisi ya UM juu ya Misaada ya Dharura (OCHA) imeripoti kwamba majanga yaliofungamana na athari za hali ya hewa mbaya duniani, katika mwaka 2008, ndio masuala na matatizo yaliotawala zaidi kwenye kazi na shughuli za kitengo cha UM juu ya Tathmini na Uratibu wa Maafa (UNDAC).
Shirika la UM Kulinda Amani katika JKK (MONUC) limearifu Ofisi juu ya Ukaguzi wa Makosa ya Kikazi (OIOS) inaendeleza uchunguzi kuhusu tuhuma za kuwa baadhi ya wahudumia amani katika eneo la Kivu Kaskazini walishiriki kwenye vitendo vibaya dhidi ya raia. MONUC insasema baadhi ya vitendo hivyo hujumuisha ukandamizaji na udhalilishaji wa kijinsiya. MONUC iliongeza kusema kwa kuhadharisha ya kwamba hadi sasa hivi tuhumu hizo ni madai ambayo bado hayajathibitishwa kisheria. Watumishi wote wa MONUC wamenasihiwa kushirikiana kikamilifu na wachunguzi wa Ofisi ya OIOS.
John Holmes, Mshauri wa UM juu ya Masuala ya Kiutu na Misaada ya Dharura ameripoti kwamba katika mwaka 2008 wahudumia misaada ya kiutu katika JKK walishambuliwa zaidi ya mara 100, na baadhi yao hata waliuawa kutokana na hujuma hizo.
Malori matano ya Shirika la UM juu ya Huduma za Wahamiaji (UNHCR) yaliobeba tani 23 za misaada ya kihali, yaliwasili Ijumapili kwenye wilaya ya Dungu, katika jimbo la Orientale, kaskazini-mashariki, katika JKK.
Shirika la UM juu ya Mfuko wa Maendeleo kwa Watoto (UNICEF) leo limetoa mwito maalumu wenye kuhimiza kuchukuliwa juhudi za pamoja, na za lazima, na jumuiya ya kimataifa, kwa makusudio ya kuimarisha majengo ya skuli ili kuhakikisha yanakuwa salama kwa watoto.
