Shirika la Umoja wa Mataifa la mpango wa chakula duniani, WFP limesema litasitisha kwa miezi mitatu mgao wa msaada wa chakula kwa zaidi ya wakimbizi wa ndani 100,000 nchini Sudan Kusini kuanzia mwezi ujao wa Oktoba kutokana na ukata.
Walinda amani wa Ujumbe wa Umoja wa Mataifa nchini Sudan Kusini, UNMISS wanaendelea na doria ya barabarani kutoka Tambura hadi Ezo katika Jimbo la Equatoria Magharibi nchini Sudan Kusini kutathmini hali ya usalama na kibinadamu kufuatia kuzuka kwa mzozo mkali unaoendelea katika eneo hilo.
Ujumbe wa Umoja wa Mataifa wa kulinda amani nchini Sudan Kusini UNMISS umeeleza kuwa hali ni mbaya kwenye eneo la Tambura katika jimbo la Ikweta Magharibi kutokana na kuongezeka kwa vikundi vya vijana wenye silaha waliotokea katika jamii za Azande na Balanda.
Kijana Gatwech mkimbizi wa ndani akiwa katika kambi muda ya wakimbizi kwenye ujumbe wa Umoja wa Mataifa wa kulinda amani Sudan Kusini UNMISS anasimulia madhila wanayokutana nayo wakimbizi ambapo yeye kabla ya kukimbia usiku kucha ili kuokoa maisha yake alikatwa sikio na kutakiwa kuliokota alile.
Tumu ya uhandisi kutoka Thailand, HMEC, inayofanya kazi kwa pamoja na ujumbe wa Umoja wa Mataifa wa kulinda amani Sudan Kusini, UNMISS imepatia wakazi wa eneo la Yei mjini Juba mafunzo ya kilimo cha mazao ya chakula sambamba na mapishi kama njia mojawapo ya kujitegemea katika chakula.
Video ya ujumbe wa Umoja wa Mataifa wa kulinda amani nchini Sudan Kusini, UNMISS inaonesha msururu wa watu na virago vyao, wengi wao wanawake na watoto, wakiwasili katika makazi ya muda yaliyoanzishwa kwenye eneo la ujumbe huo wiki chache zilizopita baada ya kuibuka kwa machafuko huko Tambura, jimboni Equatoria Magharibi.
Mashirika ya kibinadamu yakiongozwa na shirika la Mpango wa Chakula la Umoja wa Mataifa, WFP, yanaendelea kutoa msaada wa chakula kwa wakimbizi wa ndani waliokimbia makazi yao Equatoria Magharibi Sudan Kusini kufuatia mashambulizi ya silaha.
Kuelekea maadhimisho ya miaka 10 ya uhuru wa Sudan Kusini tarehe 9 mwezi huu wa Julai, Shirika la Umoja wa Mataifa la kuhudumia watoto, UNICEF limeonya kuwa watoto milioni 4.5 nchini humo wanahitaji msaada wa kibinadamu, ikiwa ni sawa na watoto wawili katika kila watoto watatu.
Kuwaondoa watu kwenye umasikini ni lengo la kwanza la Malengo ya Maendeleo Endelevu SDGs ya Umoja wa Mataifa, ambapo shirika la Umoja wa Mataifa la Maendeleo ya Viwanda UNIDO limeanza kuona matokeo chanya kwa wavuvi kupitia mafunzo wanayotoa kwa vikundi mbalimbali vya uvuvi nchini Sudan Kusini.
Mkimbizi wa ndani Abbas Adu na wengine 400,000 wamelishukuru Shirika la Umoja wa Mataifa la Mpango wa chakula WFP kuwapatia msaada wa chakula wakati huu ambapo WFP imepaza sauti kwa wahisani kusaidia wananchi Milioni 41 wanaokabiliwa na njaa kutokana na hali mbaya ya hewa ambayo imeathiri mavuno yao na hivyo kukosa chakula.
