Sudan Kusini

UNICEF imezitaka mamlaka za Sudan na pande zote zinazohusika katika mzozo unaoendelea kuhakikisha kuwa kila mwanafunzi wa Sudan anapata fursa ya kufanya mitihani ile ile inayotambuliwa kitaifa bila kujali mahali alipo, ikionya kuwa ukosefu wa usawa katika upatikanaji wa mitihani unaweza kuhatarisha mustakabali wa kizazi kizima.

Shirika la Umoja wa Mataifa la Kuhudumia Wakimbizi (UNHCR) limeonya kuhusu kuzorota kwa hali ya usalama katika jimbo la Jonglei huko mashariki mwa Sudan Kusini, ambapo mamia ya maelfu ya watu wamelazimika kuyakimbia makazi yao kutokana na mapigano yanayoendelea.

Wakazi wa Kaunti ya Ezo katika jimbo la Equatoria Magharibi nchini Sudan Kusini wameelezea furaha na matumaini mapya baada ya walinda amani wa Umoja wa Mataifa kufanikiwa kufika katika eneo hilo la mbali ambalo limekuwa likikabiliwa na changamoto za kiafya na kibinadamu.

Shirika la Umoja wa Mataifa la Mpango wa Chakula Duniani (WFP), limeongezashughuli zake za hatua za dharura katika eneo la Akobo Mashariki mwa nchini ya Sudan Kusini, ukitoa msaada muhimu wa chakula na lishe kwa mamia ya maelfu ya watu wanaokabiliwa na njaa kali na utapiamlo.

Zaidi ya wavulana 20 walio chini ya umri wa miaka 18 wameachiliwa kutoka kituo cha mafunzo ya kijeshi mjini Pariang kufuatia operesheni ya uhakiki iliyoongozwa na Ujumbe wa Umoja wa Mataifa nchini Sudan Kusini, UNMISS, kwa kushirikiana na wadau wengine. 

Tume ya Umoja wa Mataifa ya Haki za Binadamu nchini Sudan Kusini imetoa wito wa uchunguzi wa haraka na wa kina kufuatia kugunduliwa kwa mabaki ya binadamu katika Jimbo la Jonglei, ikionya kuwa huenda kuna gharama kubwa zaidi ya kibinadamu ya ghasia zinazoendelea kuliko inavyofahamika.

Kufuatia mafuriko makubwa yanayoendelea kuharibu miundombinu na kukwamisha ulinzi wa amani huko  jimbo la Upper Nile nchini Sudan Kusini, ujumbe wa Umoja wa Mataifa wa Kulinda Amani nchini humo ,UNMISS unaendelea kujitahidi kukarabati miundombinu kama njia mojawapo ya kuongeza ustahimilivu na kuchochea amani. 

Mji wa Bentiu ulioko Kaskazini mwa Sudan Kusini ni eneo linalokumbwa na mafuriko yanayoharibu makazi na migogoro inayowafanya maelfu ya watu kuishi kwenye kambi za wakimbizi. Katika mazingira haya magumu, Afisa wa Polisi wa Ujumbe wa Umoja wa Mataifa wa kulinda amani nchini humo, UNMISS, Wafaa Assri Sameeh Al-Goussous kutoka nchini Jordan, anafanya kazi ya kujenga uaminifu na uhusiano madhubuti kati ya jamii na vyombo vya dola kupitia doria na mafunzo. Rashid Malekela anatupeleka huko kufahamu maisha ya kila siku ya Afisa Wafaa yakoje.

Ujumbe wa Umoja wa Mataifa wa kulinda amani nchini Sudan Kusini, UNMISS, umesema utaendelea kuwepo katika eneo la Akobo ili kulinda raia, licha ya agizo la jeshi la nchi hiyo kuwataka walinda amani wa Umoja wa Mataifa pamoja na mashirika ya misaada ya kibinadamu kuondoka.

Timu ya Umoja wa Mataifa inayoshughulikia Masuala ya Kibinadamu nchini Sudan Kusini imeeleza wasiwasi wake mkubwa kufuatia amri iliyotolewa na Jeshi la ulinzi la wananchi wa Sudan Kusini (SSPDF) tarehe Machi 6, 2026, inayoyataka Mashirika ya Misaada ya Kibinadamu ya Umoja wa Mataifa na yale ya kiraia kuondoka katika eneo la Akobo, kusini mwa jimbo la Jonglei kupisha operesheni za kijeshi.