Umoja wa Mataifa umesema mchango na mtazamo wa Martin Luther King Jr aliyekuwa mwanaharakati mkubwa wa haki za binadamu duniani kutakumbukwa na kuenziwa daiama hasa katika zama hizi ambazo dunia imegawika mapende, ukiukwahi wa haki za binadamu unaendelea na chuki na ubaguzi vikimea mizizi.
Mkurugenzi Mkuu wa shirika la afya la Umoja wa Mataifa, WHO, Dkt. Tedros Ghebreyesus ameonya kile alichosema ni ukosefu wa usawa katika usambazaji na upatikanaji wa chanjo dhidi ya Corona au COVID-19 licha ya kwamba chanjo hiyo imepatikana katika kipindi kifupi zaidi kulinganishwa na chanjo zingine.
Katibu Mkuu wa Umoja wa Mataifa, Antonio Guterres ameelezea wasiwasi mkubwa kuhusu kuendelea kwa mapigano magharibi mwa Darfur na kutoa wito kwa mamlaka nchini Sudan kufanya kila juhudi kumaliza mapigano hayo na kulinda raia.
Nchini Jamhuri ya Kidemokrasia ya Congo, DRC, walinda amani wa Umoja wa Mataifa kutoka Tanzania wamechukua jukumu la kufundisha wakazi wa jimboni Kivu Kaskazini teknolojia ya mawasiliano kama njia mojawapo ya kuwajengea uwezo sambamba na ulinzi wa raia.
Mlinda amani mwingine wa Umoja wa Mataifa kutoka Burundi ameuawa leo huko Jamhuri ya Afrika ya Kati, CAR na wengine wawili wamejeruhiwa, kitendo ambacho kimelaaniwa vikali na Katibu Mkuu wa Umoja wa Mataifa, António Guterres.
Historia ya kuvunja moyo imefikiwa duniani ambapo watu milioni 2 wamefariki dunia kutokana na ugonjwa utokanao na virusi vya Corona au COVID-19, amesema Katibu Mkuu wa Umoja wa Mataifa Antonio Guterres hii leo.
Umoja wa Mataifa umesema unaendelea kusikitishwa na kuendelea kwa taarifa za raia kujeruhiwa na kuuawa kwa raia wakati wa mapigano yanayoendelea katika maeneo ya vijijini jimboni Tigray nchini Ethiopia na kutiwa hofu kubwa kuhusu janga la maelfu ya watu ambao bado hawajapokea msaada kwenye jimbo hilo kwa zaidi ya miezi miwili na nusu sasa tangu kuzuka kwa machafuko jimboni humo.
Maelfu ya raia wa Jamhuri ya Afrika ya Kati, CAR, wakiendelea kumiminika nchi jirani za Jamhuri ya Kidemokrasia ya Congo, DRC, Chad, Jamhuri ya Congo na Cameroon kufuatia ghasia mpya zilizoibuka nchini mwao, shirika la Umoja wa Mataifa la kuhudumia wakimbizi, UNHCR limepongeza nchi hizo jiranikwa kufungua mipaka yao na kupokea wakimbizi hao.
Mnyumbuliko mpya wa virusi vinavyosabaisha Corona au COVID-19 barani Afrika umeanza kuenea wakati huu ambapo idadi ya wagonjwa wa virusi wa Corona imefikia milioni 3 na ile ya wagonjwa wapya kila siku ikizidi ile iliyokuwepo wakati wa awamu ya kwanza ya gonjwa hilo.
Bintou Keita wa Guinea ameteuliwa na Katibu Mkuu wa Umoja wa Mataifa António Guterres kuwa mwakilishi wake maalum nchini Jamhuri ya Kidemokrasia ya Congo, DRC na mkuu wa ujumbe wa Umoja wa Mataifa nchini humo, MONUSCO.
