Makala

Mkutano wa 62 wa hali ya wanawake duniani, CSW62 ukiendelea kwenye makao makuu ya Umoja wa Mataifa jijini  New York, Marekani, hoja ya umiliki ardhi imetamalaki miongoni mwa washiriki. Wawakilishi wa wanawake na wasichana wa vijijini pamoja na wanawake wenyewe wanabadilishana uzoefu juu ya kile cha kufanya ili kuhakikisha kuwa umiliki wa ardhi unafanyika bila kujali jinsia ya mtu.

Misichana akipewa fursa anaweza na mchango wake utakuwa mkubwa sio tu katika maisha yake binafsi , bali pia katika mustakhbali wa jamii atokako.

Hayo yamesemwa na binti Helga Mutasingwa kutoka nchini Tanzania anayehudhuria mkutano wa Umoja wa Mataifa wa kamisheni ya hali ya wanawake duniani CSW62 unaoendelea mjini New york Marekani.

Akiwakilisha jumuiya ya Girl guides duniani na Tanzania , amemweleza Flora Nducha wa idhaa hii ujumbe aliouleta kwenye mkutano huu.

Utalii wasifika sana kwa kuinua kipato cha nchi ya Kenya iliyoko Afrika Mashariki. Hata hivyo baadhi ya watalii wawe wa ndani au wa nje wanatumia fursa hiyo kutekeleza mambo yanayokiuka haki za binadamu hususan kufanya biashara ya ngono. Kutokana na umaskini baadhi ya wasichana kwenye kaunti ya Kwale huko Mombasa, wametumbukia katika mtego wa biashara ya ngono au hata biashara ya binadamu na kujikuta na madhila makubwa zaidi. Shirika moja la kiraia linalopinga ukatili na ghasia dhidi ya wanawake nchini Kenya, COVAW limechukua hatua. Je ni hatua gani?

kampeini ya kupanda miti na maua katika barabara za mjini Bujumbura Burundi inafanywa na wakwerekertwa wa mazingira pamoja na kuwahusisha vijana. Pia na Meya wa mji huo ameshiriki katika kampeini ya wiki mbili.

Umoja wa Mataifa unakazia michezo kwa maendeleo iwe kwa vijana au wazee, wanawake au wanaume, wasichana au wavulana. Michezo ni mojawapo ya mambo yanayosaidia kumwezesha binadamu kustawi iwe ni kwa kupata ajira kupitia michezo au kuimarisha viungo vyake na wakati mwingine ni burudani. Ni kwa miongoni mwa misingi hiyo, wasichana wakimbizi kutoka Burundi walioko ukimbizini nchini Jamhuri ya Kidemokrasia ya Congo, DRC wameamua kucheza soka na ndoto yao ni kwamba iko siku watacheza viwanja vya kimataifa kama ilivyo akina Suarez!

Shirika la afya ulimwenguni WHO linasema matumizi mabaya na ya kupindukia ya viuavijasumu au antibiotic yana athari kubwa sio tu kwa afya ya binadamu na wanyama bali pia katika uchumi. Sasa shirika hilo kwa kushirikiana na shirika la afya ya mifugo OIE wanazichagiza nchi kuchukua hatua ili kuepuka athari hizo kwa kudhibiti matumizi ya dawa za viuavijasumu kwa binadamu na wanyama. Dr Regina Mbindyo ni afisa wa madawa wa WHO nchini Kenya amezungumza na Flora Nducha wa idhaa hii kuhusu athari na jitihada zinazofanyika Kenya kudhibiti matumizi ya dawa hizo.