Makala

Sports for Protection ni mbinu ya kutumia michezo kwa ajili ya kusaidia maendeleo na ulinzi wa vijana waliofurushwa au walioko ukimbizini ni mkakati ulioanzishwa na Shirika la Umoja wa Mataifa la kuhudumia wakimbizi, UNHCR kwa kushirikiana na Kamati ya Kimataifa ya Olimpiki na sasa unatekelezwa na mashirika mbalimbali ya Umoja wa Mataifa kama la idadi ya watu duniani na masuala ya afya ya uzazi UNFPA Kenya kwa kushirikiana na tasisi nyingine za kitaifa na kimataifa. Selina Jerobon wa Idhaa ya Kiswahili ya Umoja wa Mataifa anasimulia zaidi kupitia makala hii.

Ukame katika ukanda wa Pembe ya Afrika umeleta madhara makubwa kwa ustawi wanadamu na ikolojia nzima katika eneo hilo. Madhara ya moja kwa moja yaliyoshuhudiwa na watu wa ukanda huo zikiwemo nchi za Somalia, Kenya, Ethiopia na maeneo ya kaskazini mwa Uganda ni ukosefu wa chakula na hivyo kusababisha utapiamlo hasa utapiamlo mkali kwa watoto.

Mashirika ya Umoja wa Mataifa likiwemo la Afya Ulimwenguni, WHO na wadau wake, wameingilia kati ili kupunguza makali ya tatizo hilo kama si kulimaliza kabisa. Anold Kayanda ameangazia hatua hizo na kutuandalia makala ifuatayo.

Mkuu wa kikosi cha 6 cha Walinda amani wa Umoja wa Mataifa kutoka Tanzania wanaohudumu chini ya MINUSCA, Luteni Kanali Amini Steven Mshana amefungua na kukabidhi madarasa yatakayotumika kutoa elimu ya kompyuta na TEHAMA kwa ujumla kwa vijana wa eneo la mji wa Berberat na viunga vyake ili kuwapa ujuzi wawe na mchango chanya kwa jamii yao badala ya kujiunga na makundi ya waasi.Kapteni Mwijage Francis Inyoma ni Afisa Habari wa TANZBATT 6 anaripoti.

Nchini Zambia, wafanyabiashara ya samaki kandokando ya Ziwa Tanganyika wameanza kuwa na wasiwasi kuwa uvuvi usizingatia kanuni za uvuvi bora unaweza kuhatarisha ustawi wao ambao unategemea biashara ya dagaa aina wafahamikao nchini humo kama Kapenta na samaki aina ya Buka.

Umoja wa Mataifa unatambua kuwa elimu ina uwezo mkubwa wa kumuinua mtu kiuchumi na kijamii, kwa maana ya kwamba ni silaha mujarabu ya kuondokana na umaskini. Kupitai malengo ya maendeleo endelevu, SDGs, hususan lengo namba 4, Umoja wa Mataifa unataka elimu bora tena isiyomwacha mtu yeyote nyuma, kwa misingi ya rangi, eneo aliko au hali ya mwili wake. Tayari nchi na mashirika ya kimataifa na yasiyo ya kiserikali yanafanikisha lengo hilo, mfano humo nchini Tanzania katika mkoa wa Morogoro ulioko mashariki mwa taifa hilo la Afrika. 

Ofisi ya Umoja wa Mataifa ya madawa na uhalifu UNDOC kanda ya Afrika Mashariki kwa kushirikiana na sekta ya mahakama nchini kenya wamepanga kuanza kutekeleza awamu ya pili ya mradi wa uwekaji umeme wa sola katika mahakama na magereza nchini humo baada ya awamu ya kwanza kuonesha mafanikio.

Kupitia mradi ujulikanao kama PLEAD unaofadhiliwa na Muungano wa Ulaya UNODC na sekta ya mahakama nchini Kenya wamefanikiwa kutekeleza mradi wa awamu ya kwanza katika mahakama mbili zilizoko Mombasa ambazo zilikuwa zikishindwa kuendesha shughuli zake pindi umeme unapokatika.

Shirika la Umoja wa Mataifa la chakula na kilimo duniani, FAO linasema mbegu za mazao ni msingi mkuu wa uendelevu wa binadamu hasa katika kuhakikisha uhakika wa kupatikana kwa chakula. 

Duniani kote kuna watunzaji wa mbegu za asili za mazao mbalimbali ambazo kwa wakati mwingine huboreshwa kadri muda unavyokwenda. 

Charlotte Fatuma na Neema Cenga ni wakimbizi kutoka Jamhuri ya Kidemokrasia ya Congo, DRC na sasa wanaishi ukimbizini nchini Msumbiji katika jimbo la Nampula. Kwa sasa Charlotte ni mjasiriamali mwenye mafanikio makubwa, akiendesha biashara ya duka kwenye makazi ya wakimbizi ya Coranne huku Neema naye akijitahidi kulea na kusomesha watoto wake.

Janga litokanalo na mabadiliko ya tabianchi ni janga pia la haki za watoto, linasema shirika la Umoja wa Mataifa la kuhudumia watoto duniani, UNICEF. Shirika hilo linasema mabadiliko ya tabianchi yanajidhihirisha kwenye ukame, vimbunga, mikondo joto, mafuriko na magonjwa Vyote hivyo vinaathiri zaidi watoto.

Je ni kwa vipi teknolojia ya nyuklia inaweza kuleta tofauti katika uzalishaji wa chakula wakati huu ambapo janga la tabianchi linazidi kugonga vichwa vya watu na kubisha hodi kila uchao? Baadhi ya watu wakisikia nyuklia kinachowajia kichwani ni mabomu ya nyuklia, lakini nchini Kenya, wanasayansi na wakulima wanaelezea kwa maneno yao wenyewe vile ambavyo sayansi ya nyuklia inasaidia kupambana na uhaba wa chakula na maji. Kuanzia uzalishaji wa mbegu mpya zinazohimili ukame hadi teknolojia za kutambua ni muda gani muafaka kumwagilia mazao.