Kuelekea mwaka mpya wa 2019, Katibu Mkuu wa Umoja wa Mataifa António Guterres ametumia salamu zake za mwaka mpya akifanya tathmini ya mwaka 2018 na matarajio yake kwa mwaka mpya.
Ofisi ya Umoja wa Mataifa ya uteguzi wa mabomu ardhini UNMAS imebaini na kuondoa vilipuzi na mabomu ya kutegwa ardhini ambayo yalikuwa hayajalipuka kwenye eneo la Thon-Awai lililoko kilometa 5 kutoka mji wa Bor jimboni Jonglei.
Mwaka 2018 ulighubikwa na changamoto nyingi hususan kwa nchi za Afrika, mizozo ikiendelea kukumba bara hilo sambamba na magonjwa. Hata hivyo kulikuwa na habari chanya, na kwa muhtasari tutaangazia pande zote za sarafu wakati huu ambapo tunafunga mwaka huu wa 2018.
Baraza Kuu la Umoja wa Mataifa leo limepitisha kwa kishindo mkataba wa kimataifa wa uhamiaji salama, wenye mpangilio na unaofuata kanuni za kawaida.
Shirika la kuwahudumia wakimbizi la Umoja wa Mataifa, UNHCR linasema linahitaji dola bilioni 2.7 ili kuweza kufanikisha huduma zake za kutoa misaada kwa mamilioni ya wakimbizi wa Sudan Kusini walioko ndani na nchi jirani katika kipindi cha mwaka 2019 na 2020.
Katika kuadhimisha siku ya uhamiaji duniani hii leo, Mkurugenzi Mkuu wa shirika la uhamiaji la Umoja wa Mataifa, IOM, António Vitorino ametaka hatua zaidi na za dharura zichukuliwe ili kulinda kundi hilo ambalo kila uchwao linakumbwa na madhila kote ulimwenguni.
Hii leo kwenye makao makuu ya Umoja wa Mataifa jijini New York, Marekani, Baraza Kuu la chombo hicho litapitisha mkataba wa kimataifa wa wakimbizi na hivyo kusaidia kwa kiasi kikubwa wale wanaokimbia makwao na nchi zinazowahifadhi, ambazo mara nyingi ni zile maskini zaidi duniani. Siraj Kalyango na maelezo zaidi.
Mkataba wa kimataifa wa wakimbizi: Tofauti ni ipi na mkataba wa wahamiaji na ni kwa vipi utasaidia watu waliolazimika kukimbia makwao?
Watoto 15,000 wametenganishwa na familia zao au hawajulikani waliko miaka mitano tangu kuanza kwa mzozo nchini Sudan Kusini, limesema shirika la Umoja wa Matiafa la kuhudumia watoto, UNICEF katika taarifa yake iliyotolewa leo.
Kufuatia kupitishwa hii leo huko Marrakech nchini Morocco, mkataba wa kimataifa kuhusu uhamiaji salama, unaofuata kanuni na wa kawaida, shirika la Umoja wa Mataifa la kuhudumia watoto, UNICEF limesema hatua hiyo ya kihistoria ni mafanikio kwa wahamiaji watoto na serikali.
