Zikiwa zimesalia takribani siku 1000 kabla ya kikomo cha malengo ya
Milenia mwaka 2015, Tanzania kwa kushirikiana na wadau wa mapambano
dhidi ya magonjwa imepiga hatua katika kutokomeza ugonjwa wa Malaria
unaotajwa kusababisha vifo kadhaa huku idadi kubwa ikiwa watoto walio
chini ya umri wa miaka miatano.
Ungana na George Njogopa katika makala inayoangazia juhudi hizo.
Mkutano wa siku mbili wa ngazi ya mawaziri ulioangalia suala la jinsia kwenye sekta ya madini umemalizikaTanzania. Shirika la Umoja wa Mataifa la wanawake, UN-Women liliandaa mkutano huo kwa ushirika na Publish What You Pay.
Ikiwa kikomo cha malengo ya milenia kinakaribia mwaka 2015 nchi mbalimbali zinajitahidi kufikia malengo hayo ambapo nchini Burundi nchi iliyoko Afrika Mashariki, imepiga hatua katika kuandikisha elimu ya msingi kwa watoto wanaosatahili.
Mathalani takwimu zinonyesha kwamba mwaka 2004 wavulana na wasichana walioandikishwa kuanza elimu ya msingi nchini Burundi ni asilimia 57.
Takiwmu za shirika la afya duniani WHO zinaonyesha kwamba Kila mtu mzima mmoja kati ya watatu duniani ana ongezeko la shinikizo la damu, hali ambayo inasababisha karibu nusu ya vifo vyote vitokanavyo na kiharusi, na maradhi ya moyo.
Takwimu hizi ni kutokana na ripoti mpya ya shirika la afya duniani ambayo pia inasema mtu mzima mmoja kati ya kumi duniani ana ugonjwa wa kisukari.
Vikosi vya muungano wa Afrika nchini Somalia AMISOM vimekuwa vikitoa misaada kadhaa ya kijeshi ikiwemo kusaidia katika ulinzi na usalama wa nchi hiyo ambayo imeshuhudia mizozo kwa miongo kadhaa.
Misaada ya AMISOM imekwenda mbali ambapo sasa wanatoa mafunzo ya kijeshi kwa majeshi ya nchi hiyo.
Hivi karibuni Umoja wa Ulaya ulitoa msaada wa euro milioni 33 kwa vikosi hivyo ili kusaidia kuimarisha na kujenga upya serikali ya Somalia.
NchiniYemen, shirika la kimataifa la uhamiaji, IOM linaendelea kutoa ombi la kupata dola Milioni Tano kwa ajili ya kusaidia wakimbizi waEthiopianaSomaliawaliokwama nchini humo baada ya kushindwa kuendelea na safari zao za ughaibuni. Mazingira ya kibinadamu ni magumu, wengine wanafariki dunia na wengine hususan wanawake na watoto wako hatarini kukumbwa na ukatili. Uhasama umeshamiri baina ya wenyeji na wahamiaji. Jumbe Omari Jumbe, msemaji wa IOM aliulizwa na Assumpta Massoi wa Radio ya Umoja wa Mataifa kuhusu hali halisi ya kibinadamu na hatma ya usaidizi.
Shirika la kimataifa la uhamiaji, IOM nchini Djibouti limetoa ombi la dharura la dola Milioni Tano kwa ajili ya kuokoa maisha ya wahamiaji wa Ethiopia na Somaliawalio kwenye mazingira magumu nchini humo baada ya kushindwa kuendelea na safari ya ughaibuni.
Msemaji wa IOM Jumbe Omari Jumbe amesema ombi la awali la dola Milioni 72 kwa Djibouti kupitia mchakato wa Umoja wa Mataifa bado halijatekelezwa na sasa wanahitaji haraka fedha hizo kukwamua wahamiaji hao walio kwenye ofisi ya IOM huko Obok nchini humo.
Ni hivi karibuni tu shirika la afya duniani WHO lilitoa ripoti inayoonesha kuwa ni mataifa 28 pekee yenye asilimia 7 ya watu wote duniani yana sheria madhubuti za usalama barabarani kwenye maeneo makuu matano ambayo ni kunywa pombe na kuendesha gari, mwendo kasi kupindukia, matumizi ya kofia kwa waendesha pikipiki, kufunga mikanda na matumizi ya viti maalum kwa watoto.
Mapigano yanayoendelea nchini Mali yamesababisha zaidi ya wakazi 270,000 wa nchi hiyo iliyoko Magharibi mwa Afrika kukimbilia nchi jirani kutafuta hifadhi. Hata hivyo wakiwa njiani wanakumbana na kadhia mbalimbali na watoto wa wanawake huathirika zaidi. Nchini Niger, ambako yanapokelewa makundi ya wakimbizi kutoka Mali, Shirika la Umoja wa Mataifa la kuhudumia watoto UNICEF limelazimika kupiga kambi humo kusaidia kwa matibabu kutokana na magonjwa kadhaa, ukiwemo utapiamlo unaotokana na lishe duni. Basi kupata undani wa ripoti hiyo ungana na Joseph Msami.
Mapigano mashariki mwa Jamhuri ya Kidemokrasia ya Kongo DRC pamoja na mambo mengine yametajwa kukwamisha jitihada za kukabiliana na hatimaye kudhibiti ugonjwa wa surua hususani mongoni mwa watoto.Hii inatokana na kwamba mapigano kati ya jeshi la serikali na waasi yamesababisha watu kukimbia makazi yao na kuishi katika makzi yenye msongamano .Jitihada za kutoa chanjo zinakwama!
