LUGHA YA KISWAHILI KIMATAIFA

Katika Jarida la mada kwa kina hii leo Ijumaa Lea Mushi na akuletea pamoja na mambo mengine

-Shirika la Umoja wa Mataifa la mpango wa chakula duniani, WFP limesema wakati bei za vyakula duniani zimefikia kiwango cha juu kabisa, WFP ina wasiwasi  juu ya athari za vita nchini Ukraine katika uhakika wa upatikanaji chakula duniani.

katika kukuza lugha ya Kiswahili duniani Baraza la Kiswahili la Taifa nchini Tanzania BAKITA limeandaa kongamano la wiki moja la Idhaa za Kiswahili duniani na kuwakutanisha wadau kutoka nchi mbalimbali zinazozungumza lugha ya Kiswahili jijini Arusha nchini humo.

Hii leo jaridani Leah Mushi anamulika: Hofu na shaka inayotawala kwa familia zilizoko ukimbizini ndani ya Ukraine huku waume au baba zao wakisalia kwenye mapigano; Wito wa Baraza la Haki za Binadamu la Umoja wa Mataifa kwa serikali Myanmar izuie vikosi vyake vya usalama kushambulia raia; Walinda amani wanawake wa Umoja wa Mataifa kutoka Tanzania wakihudumu Jamhuri ya Afrika ya Kati, CAR wapaza sauti wanavyojisikia kuhudumu chini  ya bendera ya UN na mchango wao kwenye amani; Makala anabisha hodi kwenye kongamano la kimataifa la lugha ya kiswahili linaloendelea jijini Arusha nchini Tanzania

Hii leo jaridani Flora Nducha anakuletea mada kwa kina inayomulika harakati za Umoja wa Mataifa kupitia shirika lake la chakula na kilimo FAO nchini Tanzania za kuwezesha wanawake kushiriki katika sekta ya uvuvi huko mkoani Kigoma kupitia mradi wa FISH4ACP ambako wanawake wamepaza sauti jinsi  ushiriki wao umesaidia kuinua kipato cha familia.

Leo katika kujifunza Kiswahili Katibu Mtendaji wa Baraza la Kiswahili, la ZANZIBAR, BAKIZA, Dkt. Mwanahija Ali Juma anafafanua maana ya methali "LILA NA FILA HAVITANGAMANI."

Katika kujifunza lugha ya Kiswahili hii leo, Dkt. Mwanahija Ali Juma ambaye ni Katibu Mtendaji wa Baraza la Kiswahili Zanzibar, BAKIZA anafafanua maana ya methali Ndugu chungu, jirani mkungu! 

Je wafahamu maana ya methali hiari yashinda utumwa? Kama la, hii leo mchambuzi wetu Onni Sigalla, Mhariri Mwandamizi Baraza la Kiswahili la Taifa nchini Tanzania, BAKITA anafafanua maana yake.

Hii leo katika kujifunza lugha ya kiswahili, Josephat Gitonga  Mhadhiri wa Chuo Kikuu Nairobi nchini Kenya katika Kitivo cha Ukalimani anafafanua maana  ya methali, Asiye na kitoweo hurumangia.

Hii leo katika kujifunza lugha ya Kiswahili, mchambuzi wetu Onni Sigalla ambaye ni Mhariri Mwandamizi kutoka Baraza la Kiswahili la Taifa nchini Tanzania, BAKITA, anafafanua maana ya neno, shake.

Anasema shake ni ile hali anayokuwa nayo mtu kama vile furaha au huzuni ya kupitiliza lakini haionekani usoni mwake. Mtu analia kwa kwikwi bila kutoa sauti.