Ripoti mpya iliyotolewa leo na shirika la kazi la Umoja wa Mataifa ILO kuhusu mtazamo wa ajira na kujamii imeonya juu ya kuongezeka kwa ukosefu wa ajira kimataifa kwa mwaka huu wa 2024, sanjari na ukosefu wa usawa na kudumaa kwa uzalishaji hali ambayo inaibua wasiwasi.
Mabadiliko ya tabianchi yanafanya matukio ya hali mbaya ya hewa kuwa makali zaidi na ya mara kwa mara. Mifumo ya utoaji maonyo mapema ambayo ni sahihi, rahisi kutumia na kutoa taarifa sahihi kuhusu hali ya hewa husaidia kupunguza vifo na hata kupotea kwa njia za kujipatia riziki au kipato.
Benki ya Dunia kupitia ripoti ya matarajio ya uchumi kwa mwaka huu wa 2024 inaeleza kuwa baada ya uchumi wa mwaka 2023 kufanya vibaya, nchi za kipato cha chini zitakua kwa 5.5%, chini ya ilivyotarajiwa na kwamba kufikia mwisho wa 2024, karibu 25% ya nchi zinazoendelea na karibu 40% ya nchi za kipato cha chini zitakuwa maskini kuliko kabla ya janga la COVID-19.
Kwa watafsiri na wakalimani wa lugha ya Kiswahili, mwaka 2024 huwekakuwa wa neema kwao kwani jumuiya ya Afrika Mashariki EAC imetangaza rasmi kuanzia mwaka huu lugha hiyo itaanza kutumika rasmi katika vikao na mikutano yake yote pamoja na makabrasha yote kutolewa kwa lugha hiyo.
Kipaumbele cha sasa huko Gaza, ukanda wa Mashariki ni kuokoa maisha ya raia, amesema Rais wa Baraza Kuu la Umoja wa Mataifa hii leo wakati nchi wanachama wamekutana kujadili kitendo cha Marekani kutumia kura turufu kwenye Baraza la Usalama mwezi uliopita.
Takriban miaka miwili baada ya uvamizi kwa Urusi nchini Ukraine, wakimbizi wapatao milioni 6.3 kutoka Ukraine wamesalia kuwa wakimbizi baada ya kufurushwa katika makazi yao, wengi wao ambao ni milioni 5.9 wakiwa barani Ulaya limesema shirika la Umoja wa Mataifa la kuhudumia wakimbizi UNHCR.
Huko Ukanda wa Gaza, Mashariki ya Kati, kukiwa hakuna dalili za silaha kuwekwa chini, shirika la Umoja wa Mataifa la afya, WHO hii leo limeendelea kusihi kupatikana kwa njia salama ya kufikisha misaada kwenye eneo hilo lililozingirwa na Israel ili kusaidia wananchi walionasa kwenye mzozo huo unaoendelea kwa siku 94 sasa.
Kwa mujibu wa shirika la afya la Umoja wa Mataifa duniani WHO na timu yake iliyoko katika ukanda wa Gaza, idadi ya vifo na majeruhi kutokana na mzozo unaoendelea baina ya Israel na kundi la Hamas inaongezeka kila uchao na waathirika wakubwa ni wanawake na watoto. Akitoa takwimu katika mkutano na waandishi wa habari mjini Geneva Uswis hii leo mwakilishi wa WHO kwenye eneo linalokaliwa la Palestina Dkt. Rik Peeperkorn amesema “Kutokana na takwimu za wizara ya afya ya Gaza tunazungumzia zaidi ya watu 23,000 waliokufa ambapo asilimia 70 ni wanawake na watoto, takriban watu wengine elfu 59 wamejeruhiwa ambao ni asilimia 2.5 ya watu wote, na asilimia 3.5 ya watu wote wameathirika moja kwa moja.”
Shirika la Umoja wa Mataifa la kuhudumia watoto, UNICEF limesikitishwa na kitendo cha wakimbizi wa rohingya 5,000 wakiwemo watoto 3,500 kupoteza makazi yao baada ya moto mkubwa kuwaka kwenye kambi namba 5 ya makazi ya wakimbizi ya Cox’s Bazaar nchini Bangladesh.
Mradi wa kilimo endelevu unaofadhiliwa na Shirika la Umoja wa Mataifa la Maendeleo ya Kilimo, IFAD na Serikali ya Kenya ambao unalenga kukuza miche ya miti na kukabiliana na mabadiliko ya tabianchi umeleta manufaa kwa wakulima wadogo kutoka eneo la Kaunti ya Kiambu nchini Kenya na kuboresha ukulima wao. Mkulima mdogo Francis Njoroge ni mmoja wa mamilioni ya wakulima wadogo wanaokabiliwa na athari za mabadiliko ya tabianchi lakini kwa bahati nzuri, amefaidika na Mfuko wa Upper Tana Nairobi Water Fund unaolenga kukuza miche ya miti na kukabiliana na mabadiliko ya tabianchi.
