Kadri siku zinavyozidi kusonga na mashambulizi yakiendelea huko Gaza, nafasi iliyosalia kwa ajili ya raia wa Gaza inazidi kuwa finyu huku mazingira ya maisha yakimong’onyoa utangamano wa kijamii amesema Afisa mwandamizi wa Ofisi ya Umoja wa Mataifa ya kuratibu misaada ya dharura, OCHA kwenye eneo hilo la wapalestina linalokaliwa na Israeli.
Ukosefu wa huduma za ulinzi katika njia kuu zinazotumiwa na wakimbizi na wahamiaji wakitokea Afrika kuelekea Ulaya ni jambo la kutisha na limekuwa baya zaidi katika miaka ya hivi karibuni, kulingana na ripoti mpya ya Shirika la Umoja wa mataifa la Kuhudumia Wakimbizi UNHCR ambayo inaangazia mahitaji makubwa na hatari wanazokabiliana nazo.
Ofisi ya Umoja wa Mataifa ya kuratibu misaada ya dharura OCHA hii leo imetoa taarifa mpya kuhusu hali ya vita huko nchini Sudan amabapo imeeleza kuwa na wasiwasi mkubwa kuhusu ustawi na usalama wa raia wanaokabiliwa na mapigano makali yanayoendelea katika eneo la Al Fasher, lililoko katika mji mkuu wa Jimbo la Darfur Kaskazini mwa Sudan.
Utajiri wa madini wa Afrika haupingiki. Kuanzia kwenye migodi ya kobalti ya Jamhuri ya Kidemokrasia ya Kongo, DRC hadi maeneo ya madini ya manganizi a Afrika Kusini, bara hili lina hazina ya madini muhimu kwa ajili ya mabadiliko ya kimataifa kuelekea nishati salama yenye kiwango kidogo cha hewa ya kaboni na maendeleo ya kiteknolojia.
Mapigano yanayoendelea huko Ukanda wa Gaza yameenea hadi eneo linalokaliwa na Israeli la Ukingo wa Magharibi wa Mto Jordan ambako sasa yaripotiwa kuwa zaidi ya wapalestina 500 kwenye ukingo huo wameuawa tangu kuanza kwa vita tarehe 7 mwezi Oktoba mwaka jana, amesema Kamishna Mkuu wa Umoja wa Mataifa kuhusu haki za binadamu Volker Türk.
Shirika la Umoja wa mataifa la kuhudumia watoto, UNICEF, nchini Kenya limeleta tija kwa wasichana kwa kuwapa sodo za kufuliwa zinazoweza kutumika tena na tena. Kutokana na hilo sasa idadi ya wasichana wanaokosa kwenda shule wakiwa hedhini inaripotiwa kupungua.
Katika kukabiliana na hali ya mapigano makali yaliyoibuka tena mwishoni mwa wiki kati ya kundi lenye kujihami kwa silaha M23 na Jeshi la DR Congo (FARDC), walinda amani wa Umoja wa Mataifa kwa uratibu wa FARDC, wameweka doria karibu na Kanyabayonga kusaidia baadhi ya wanaume, wanawake na watoto 150,000 waliokimbia makazi yao katika siku za hivi karibuni mashariki mwa nchi.
Makumi ya maelfu ya watoto nchini Afghanistan wbado wameathiriwa na mafuriko yanayoendelea, hususan katika majimbo ya kaskazini ya Baghlan na Badakhshan na mkoa wa Ghor magharibi mwa Afghanistan, limesema leo shirika la Umoja wa Mataifa la Kuhudumia watoto UNICEF na kukumbusha kuwa mafuriko katika nchi hiyo ya Asia ya Kati yanasababisha tishio la haraka na la kudumu kwa watoto.
Hatimaye wakazi wa kitongoji cha Cité Soleil kwenye mji mkuu wa Haiti, Port-au-Prince wataanza kupata mlo baada ya shirika la Umoja wa Mataifa la Mpango wa Chakula duniani, WFP kufikisha shehena za vyakula, eneo ambalo mwishoni mwa mwaka 20222 lilitajwa kugubikwa na kiwango cha juu zaidi cha njaa.
Watu milioni moja sasa wamefungasha virago na kuukimbia mji wa Rafah kusini mwa Gaza, ka mujibu wa Shirika la Umoja wa Mataifa la Msaada kwa wakimbizi wa Kipalestina UNRWA, huku kukiwa na ripoti mpya za mashambulizi ya usiku kuamkia leo katika maeneo ya kusini, kati na kaskazini yanayofanywa na vikosi vya Israel.
