Habari Mpya

Takribani kila dakika moja na sekunde 40, mtoto au kijana chini ya umri wa miaka 20 alikuwa anaambukizwa Virusi Vya UKIMWI, VVU mwaka jana 2019, na kufanya idadi ya watoto wanaoishi na VVU kufikia milioni 2.8, shirika la Umoja wa Mataifa la kuhudumia watoto UNICEF limesema katika ripoti yake iliyotolewa leo mjini New York Marekani na Johannesburg Afrika Kusini. 

Mkuu ofisi ya Umoja wa Mataifa inayoshughulikia misaada ya dharura, OCHA, Mark Lowcock hii leo mjini New York Marekani ametangaza kuwa zimetolewa dola za kimarekani milioni 25 kutoka kwenye mfuko wa dharura wa Umoja wa Mataifa, CERF, kusaidia mashirika yanayoongozwa na wanawake ambayo yanapambana dhidi ya unyanyasaji wa kijinsia.

Kutana na mwanamke mwanasheria na mwanaharakati wa haki za wanawake Razia Sultana ambaye ameanzisha mahala salama kwenye kambi ya Cox’s Bazaar nchini Bangladesh kwa ajili ya kuwapa msaada wa kisaikolojia wanawake wakimbizi wa Rohingya kutoka Myanmar waliopitia ukatilia wa kijinsia au GBV.

Nchini Lebanon, shirika la Umoja wa Mataifa la kuhudumia watoto, UNICEF kwa kushirikiana na shirika  la  kiraia  liitwalo  LOST,  linajumuisha  vijana katika kusaidia watu kukabiliana na athari za ugonjwa unaosababishwa na virusi vya Corona au COVID-19. 

Katibu Mkuu wa Umoja wa Mataifa Antonio Guterres kupitia ujumbe wake kwa siku ya kimataifa ya kutokomeza ukatili dhidi ya wanawake inayoadhimishwa kila Novemba 25, ametoa wito kwa jumuiya ya kimataifa kuchukua hatua kwani ukatili dhidi ya wanawake na wasichana ni changamoto ya haki za binadamu ulimwenguni.

Mauaji ya João Alberto Silveira Freitas, raia wa Brazil mwenye asili ya Afrika kwenye mji wa Porto Alegre kusini mwa Brazil ni jambo la kutisha lakini pia cha kusikitisha ni dhihirisho la ukatili na ghasia zinazokumba watu wenye asili ya Afrika.

 

Wakati shule katika nchi zinazoendelea, zikianza kufunguliwa, shirika la Umoja wa Mataifa la mpango wa chakula, WFP limepokea msaada wa dola milioni 119 kutoka Idara ya kilimo ya serikali ya Marekani ili kusaidia kutoa chakula katika shule kwenye nchi za Asia na Afrika, imeeleza taarifa ya WFP iliyotolewa hii leo mjini Washington Marekani.  

Wiki hii shirika la Umoja wa Mataifa la uhamiaji IOM limetoa ombi la dola milioni 2 ili kuhakikisha linaendelea kuwa na fursa ya kufikisha misaada ya kibinadamu ya kuokoa maisha kwa watu waliohatarini zaidi na jamii zinazowahifadhi. 

Kutana na Richard Elaka mkazi wa Jamhuri ya Kidemokrasia ya Congo, DRC ambaye ni manusura wa ugonjwa wa polio. Yeye anatumia hali yake ulemavu kutokana na Polio kuelimisha jamii umuhimu wa kupatia watoto wao chanjo dhidi ya ugonjwa huo usio na tiba lakini una kinga.

Nchi ya Afghanistan inakabiliwa na changamoto kubwa ya kutokuwa na uhakika wa chakula huku viwango vya utapiamlo vikifurutu ada kutokana na tishio litokanalo na majanga matatu makubwa ambayo ni vita, corona au COVID-19 na mabadiliko ya tabianchi kwa mujibu wa shirika la umoja wa Mataifa la mpango wa chakula duniani WFP.