Rais wa Baraza Kuu la Umoja wa Mataifa Profesa Tijjani Muhammad-Bande amerejea tena kauli yake ya kusihi ushirikiano wa kimataifa ili kuweza kunasua mamilioni ya watu kutoka lindi la umaskini.
Kuelekea siku ya kimataifa ya amani ambayo huadhimishwa kila mwaka Septemba 21, leo katika maadhimisho kwenye Umoja wa Mataifa Katibu Mkuu wa Umoja huo, Antonio Guterres ametoa wito wa hatua madhubuti kuchukuliwa kukabiliana na changamoto kubwa za dunia ikiwemo mabadiliko ya tabianchi ili kudumisha amani kwa wote.
Mshindi wa tuzo ya wakimbizi ya Nansen kwa kanda ya Afrika kwa mwaka huu wa 2019 Evariste Mfaume, amesema hata siku akikata pumzi, kile ambacho ameweza kufanya kuleta utangamano kati ya wakimbizi na wananchi wa Jamhuri ya Kidemokrasia ya Congo, DRC, kitakuwa kimetosha. Tuzo hiyo ya Nansen hutolewa na shirika la kuhudumia wakimbizi duniani, UNHCR.
Kufuatia kuanza kwa mkutano wa 74 wa Baraza Kuu la Umoja wa Mataifa, UNGA74, jijini New York, Marekani, Katibu Mkuu wa umoja huo Antonio Guterres leo amekutana na waandishi wa habari kuzungumzia matarajio yake ya vikao muhimu vya wiki ijayo ambapo pia amejibu maswali kadhaa kutoka kwa wanahabari hao.
Rais wa mkutano wa 73 wa Baraza Kuu la Umoja wa Mataifa unaotamatishwa hii leo, María Fernanda Espinosa ametaja marufuku ya plastiki zinazotumiwa mara moja na kutupwa kwenye makao makuu ya Umoja wa Mataifa jijini New York, Marekani kuwa moja ya mafanikio makubwa ya kipindi chake.
Kwenye makao makuu ya Umoja wa Mataifa, jijini New York, Marekani, shirika la Umoja wa Mataifa la kuhudumia watoto, UNICEF limetandaza mabegi 3,758 ya mgongoni yanayotumiwa na watoto wa shule kuonyesha madhara ya vita kwa watoto kwa mwaka 2018.
Huduma za afya zinapaswa kujikita zaidi katika kuhakikisha kila mtu anapata lishe bora wakati wote wa maisha yake, imesema ripoti mpya iliyotolewa leo na shirika la afya ulimwenguni, WHO.
Ikiwa imesalia chini ya mwaka mmoja kuelekea kufanyika uchaguzi wa rais,wabunge na serikali za mitaa nchini Burundi mwakani 2020, kamisheni ya Umoja wa Mataifa kuichunguza Burundi COIB imetoa ripoti yake hii leo mjini Geneva Uswisi na kusema kuwa kuwa kuna hali ya hofu na vitisho kwa watu wote ambao hawaonyeshi kukiunga mkono chama tawala cha CNDD-FDD. Grace Kaneiya na ripoti kamili.
Mwaka mmoja baada ya kushika jukumu la ukamishna wa haki za binadamu kwenye Umoja wa Mataifa, Michelle Bachelet amesema hakutarajia kuwa itakuwa kazi rahisi, lakini amevunjwa moyo kutokana na mwelekeo wa haki za binadama hivi sasa. Assumpta Massoi na ripoti kamili.
Zaidi ya nusu ya watoto wakimbizi milioni 7.1 wa umri wa kwenda shule hawaendi shule, ripoti ya shirika la Umoja wa Mataifa la kuhudumia wakimbizi UNHCR iliyotolewa leo imebainisha. Assumpta Massoi na maelezo zaidi.
