Katikati ya mwezi huu wa Novemba, dunia itashuhudia mkaazi wa bilioni nane akizaliwa. Mkaazi huyo anazaliwa kwenye sayari ambayo vita bado vinaendelea, ukosefu wa usawa unatawala, mamia ya mamilioni ya watu hawana lishe na wanakabiliwa na majanga ya mabadiliko ya tabianchi.
Shughuli za utalii, uchafuzi wa mazingira na mabadiliko ya tabianchi zimechochea kuleta wasiwasi kwa wananchi wa kisiwa cha San Andres nchini Colombia kutokana na matumbawe waliyokuwa wanategemea kuvutia watalii kuanza kuharibika na samaki wa asili kuanza kupotea ambao ni chanzo cha mapato cha wanajamii.
Mkutano wa 27 wa nchi wanachama wa mkataba wa Kimataifa wa tabianchi COP27 mwaka huu unafanyika huko Sharm el-Sheikh,nchini Misri wakati ambapo dunia inashuhudia ongezeko la hali mbaya ya hewa duniani kote, shida ya nishati iliyochochewa na vita vya Ukraine, na takwimu za wanasayansi zinasisitiza kwamba ulimwengu haufanyi vya kutosha kukabiliana na utoaji wa hewa ya kaboni na kulinda mustakabali wa sayari yetu.
Nilipopata fursa ya kusoma ili nipate cheti cha kutambuliwa rasmi kuwa mchomeleaji vyuma mwenye stadi, sikuchelea bali nilikuwa na hamu ya kuchukua fursa hiyo. Awali sikuwa na uthibitisho wa stadi hiyo na uzoefu niliokuwa nao ulitokana na kufanya kazi hii kwa miaka 25 na kujifunza nikiwa kazini. Ni simulizi ya Hussein Juma Hassan kutoka Zanzibar, Tanzania, baba wa familia ya mke na watoto 6.
Baraza Kuu la Umoja wa Mataifa limepitisha azimio siku ya Jumatano linaloitaka Urusi kubatilisha "jaribio lake la kutaka kunyakua kiharamu maeneo manne ya Ukraine kufuatia kinachojulikana kama kura za maoni za kinyume cha sheria".
Baada ya utalii kuporomoka wakati wa janga la COVID-19 sasa, utalii unaanza tena kuibuka.
Kamati ya tuzo ya amani ya Nobel ya Norway leo imetangaza washini wa tuzo ya amani ya Nobel kwa mwaka 2022 kuwa ni "Mtetezi wa haki za binadamu Ales Bialiatski kutoka Belarus, shirika la haki za binadamu la Urusi Memorial na shirika la haki za binadamu la Ukraine Center for Civil Liberties ambao wanawakilisha jumuiya za kiraia katika nchi zao.”
Balozi wa vijana wa Jumuiya ya Afrika Mashariki, EAC, Jessica Mshama ambaye hivi karibuni alishiriki mkutano wa Umoja wa Mataifa kuhusu marekebisho ya elimu kwenye Umoja wa Mataifa jijini New York, Marekani, amesema ujumbe wake kwa vijana ni kwamba “kesho yetu ni bora kuliko jana.”
Katika eneo la Rumangabo wilayani Rutshuru jimboni Kivu Kaskazini nchini Jamhuri ya Kidemokrasia ya Congo DRC mamia ya watoto wanakosa elimu kufuatia mashambulizi na uvamizi wa kundi la wapiganiji wa M23 uliosababisha watu zaidi ya elfu kumi kufungasha virago na kuzikimbia nyumba zao.
Elimu ni nguzo muhimu katika jamii na ndio ufunguo wa maisha. Ili kuleta usawa katika jamii, juhudi nyingi zimeongezwa kasi ili bidhaa hiyo iwafikie watoto na vijana wa jinsia zote mbili kwa mujibu wa ripoti ya karibuni iliyotolewa na mashirika ya Umoja wa Mataifa japo imetoa angalizo kwamba maeneo ya vijijini bado yamesalia nyuma hata baada ya harakati kuimarishwa.
