Makala ya Wiki

Jaridani Julai 26, 2019 na Arnold Kayanda- ikiwa ni Ijumma

Habari kwa Ufupi kuanzia Homa ya ini, mashambulizi ya anga Syria na Hatua dhidi ya kukabiliana na Ebola.

Katika mada kwa kina tunasikia kutoka kwa kijana Mwiguli ambaye anaulabino akisimulia alivyonusurika kifo huku akikatwa mkono.

Na kwenye Neno la Wiki linachambuliwa neno Afkani.

Maadhimisho ya mwaka huu ya siku ya kupinga matumizi ya tumbaku yanataka kila mtu kuepusha moshi wa sigara ambapo shirika la afya ulimwenguni, WHO limekuja na maudhui, usikubali tumbaku  ichukue pumzi yako. Kwa mantiki ya kwanza waangazia madhara ya moshi wa sigara kwenye mapafu na kadhalika. Makala imejikita katika uraibu wa matumizi ya tumbaku na madhara yake huku wachangaiji wa leo wakiwa nchini Tanzania ambapo Patrick Newman ametuandalia makala ifautayo 

Dunia imeadhimisha siku ya familia Mei 15, mwaka huu ikibeba kaulimbiu familia na hatua katika kukabiliana na mabadiliko ya tabianchi. Hatua hii ni kufuatia mabadiliko ya tabiachi yanayoshuhudiwa duniani kote huku athari zake zikiwakumba watu wote.  Grace Kaneiya amezungumza na familia moja huko nchini Kenya ambao wanashiriki kilimo lakini pia ni wafugaji huku wakichukua hatua kulinda mazingira, Je wamechukua hatua zipi? Basi sikiliza makal ifuatayo kwa undani zaidi. 

Uongozi katika jamii nyingi ni nafasi ambayo kwa mtazamo wa wengi ni ya wanaume na ndio maana lengo namba 5 la malengo ya maendeleo endelevu, SDGs linataka fursa sawa za uongozi kwa wote, wake kwa waume, bila ubaguzi wa aina yoyote ile. Hali hiyo ya mkwamo inamkabili pia mchungaji mwanamke Dkt. Lydia Mwaniki kutoka Kenya ambaye licha ya kuwa mchungaji, suala la kupanda cheo cha uaskofu linakabiliwa na changamoto ya jinsia yake.

Waandishi wa habari katika jamii wana mchango mkubwa iwe nikuhabarisha lakini pia kuelimisha. Hata hivyo mabadiliko katika tasnia hii yanazua changamoto haswa katika utendaji na uwajibikaji wa wanahabari

Kiswahili! Kiswahili! Kiswahili! Kinazidi kupasua mawimbi ya bahari na mawingu na kuwa kivutio siyo tu kwa watu wazima bali pia watoto wadogo tena ughaibuni.

Huyu ni Braydon Bent, mchambuzi wa soka pengine mdogo zaidi barani Ulaya akijinasibu kwa lugha ya Kiswahili na kuleta msisimko mkubwa kwa mashabiki wake. Mwenzangu Arnold Kayanda amezungumza na mwalimu wa Kiswahil wa Braydon aitwae John Jackson hivi sasa mkazi wa Ujerumani akianza kwanza kwa kuelezea kilichomvutia na Kiswahili.

Serikali za nchi mbalimbali kote duniani ziko katika mchakato wa kuhakikisha zinawawezesha wananchi wao kuwa na bima ya afya ambayo inawaruhusu kupata huduma ya afya wakati wowote, popote na kwa kila mtu. Juhudi hizi ni katika kutekeleza malengo yaliyowekwa na nchi wanachama wa Umoja wa Mataifa kuwa ifikapo mwaka 2030 kila mtu bila kujali hali yake awe na uwezo wa kupata huduma ya afya. Je! Baadhi ya wananchi wa Tanzania wanasemaje kuhusu Bima ya afya? Tuanzie mkoani Geita kwake Adelina Ukugani wa redio washirika, Storm FM.

Leo katika makala yetu Flora nducha wa Idhaa ya kiswahili ya Umoja wa Mataifa anazungumza na Pendo Yeredi Daudi Mratibu wa chuo cha Bearfoot kilichoanziswa na serikali ili kutoa mafunzo mbalimbali kwa wanawake wa vijijini huko visiwani Zanzibar, mafunzo ambayo yamekuwa mkombozi mkubwa kwao. Miongoni mwa mafunzo hayo ni ya mradi wa kutengezeza paneli za nishati ya jua au sola. Mradi huo unaendeshwa na wanawake tu tena wa vijijini maarufu kama sola mamamazi , umeleta tija kwa wanawake hao, familia zao na jamii kwa ujumla.

Mkutano wa kamisheni ya hali ya wanawake CSW63 unafunga pazia leo Machi 22 hapa kwenye makao makuu ya Umoja wa Mataifa. Mkutano huu ambao umewaleta pamoja zaidi ya washiriki 9000 kutoka wawakilishi wa nchi 193 wanachama wa umoja huo pamoja na mashirika ya Umoja wa Mataifa na yale ya kiraia umejadili  jinsi gani mwanamke ataweza kukombolewa katika suala zima la uongozi lakini vilevile kumpatia mwanamke uwezo wa kuongeza mchango wake katika jamii.