Katika mfululizo wa makala zetu tukiangazia wakunga na wauguzi mwezi wa Februari, Leo tunaelekea mkoani Mwanza nchini Tanzania ambapo redio washirika, Redio SAUT, iliyoko mkoani Mwanza nchini Tanzania, katika makala iliyoandaliwa na Evarist Mapesa na kusimuliwa na Nyota Simba, inaangazia mkunga wa jadi Emmy Paulo Chalamila wa zahanati ya Igogo ya jijini Mwanza, Tanzania.
Moja ya vipaumbele vya Katibu Mkuu wa Umoja wa Mataifa ni kuhakikisha wanawake zaidi wanashiriki katika ulinzi wa amani hii ikiwa ni kutokana na hali ya sasa ambapo uwakilishi wa wanawake bado ni mdogo. Katika makala hii Flora Nducha wa UN News anazungumza na mwanamke wa shoka, mlinda amani kutoka Kenya na mmoja kati ya wanawake maafisa mafunzo ya kijeshi na peke yake kutoka Afrika Mashariki. Meja Veronica Owuor kabla ya kuja makao makuu ya Umoja wa Mataifa hapa New york alikuwa afisa wa jeshi la anga la Kenya. Flora amemuuliza endapo kuna wanawake wengine katika wadhifa kama wake
Katika kufanikisha ustawi wa wanawake katika jamii, watu binafsi ikiwemo wanawake wenyewe wanajizatiti kujiimarisha kimaisha huku wakipata msaada kwa kuungana katika vikundi. Adelina Ukugani wa redio washirika Storm FM Geita amezungumza na wanawake wana vikundi ambao wanapata ushauri na usaidizi kutoka kwenye asasi ya kiraia ya Women’s Promotion Centre (WPC) huko Mgusu mkoani Geita nchini Tanzania.
Wakati wa maadhimisho ya chakula duniani tarehe 16 mwezi huu wa Oktoba, suala la lishe bora liliangaziwa na zaidi ya yote nafasi ya vyakula asili. Hata hivyo mabadiliko ya tabianchi yameleta tafrashi katika baadhi ya maeneo ikiwemo Kagera nchini Tanzania ambako mazao ya asili yametoweka. Je hali iko vipi? Ungana basi na Nicolaus Ngaiza wa radio washirika Kasibante FM kwa ufafanuzi zaidi.
Leo katika mada kwa kina tunaangazia siku ya walimu duniani ambayo huadhimishwa Oktoba 5 kila mwaka, mwaka huu kaulimbiu ikiwa ni “walimu vijana, mustakbali wa tasnia hii.” Lengo la siku ya walimu ikiwa ni kuwaenzi walimu kote ulimwenguni, kupongeza mafanikio na kuangalia changamoto zilizopo kwa ajili ya kuimarisha tasnia hiyo. Mgeni wa siku ya leo kwa sasa anashikilia tuzo ya mwalimu bora kimataifa, tuzo ambayo ametunukiwa mapema mwaka huu kufuatia kujitolea kwake katika kazi ualimu.
Sasa ni mada kwa kina tukimulika kile ambacho Kenya, Burundi na Tanzia zimewasilisha mbele ya viongozi w anchi 193 wanachama wa Umoja wa Mataifa wakati wiki hii ya mjadala mkuu kwa lengo la kufanikisha ajenda ya maendeleo endelevu SDGs sambamba na amani, usalama na haki za binadamu.
Suala la mabadiliko ya tabianchi ni changamoto ambayo nchi zinakabiliana nazo kote ulimwenguni. Umoja wa Mataifa kupitia mashirika uko mstari wa mbele sio tu kuchagiza kuhusu ulinzi wa mazingira lakini pia kushirikiana na nchi kukabiliana na athari hizo.
Dianah Kamande ni mama wa watoto wawili nchini Kenya ambaye katika mazingira ya kushangaza, siku moja mume wake alirejea nyumbani akiwa na nia moja tu, kumuua mkewe, wanaye wawili na kisha yeye mwenyewe ajiue. Ingawa watoto walitoroshwa haraka, mama yao hakuwa na bahati hiyo kwani alikatwakatwa kwa mapanga kichwani na sehemu nyingi za mwili hivi sasa zimepandikizwa vyuma na mishipa ya bandia.
Baada ya tukio hilo Dianah amebakia kuwa mjane kwani mume wake alijiua baada ya kufikiri kuwa ameshamuua mkewe.
Mapema wiki hii dunia imeadhimisha siku ya kupinga usafirishaji haramu wa binadamu huku Umoja wa Mataifa ukiutaja kama uhalifu mkubwa unaoshuhudiwa katika kila pembe ya dunia. Vita, mabadiliko ya tabicnhi,
umasikini na ubaguzi ni baadhi ya vitu ambavyo vimetajwa kuchochea wasafirishaji haramu kutumia fursa hizo kuendeleza biashara zao za kihalifu. Umoja wa Mataifa unahimiza kwamba juhudi za pamoja ni muhimu katika kusaidia kukomesha uhalifu huo na kuwaadhibu wahusika.Je nchi zinapambana vipi na uhalifu huo? namkaribisha Grace Kaneiya kwa maelezo zaidi
Ingawa vitendo vya watu wenye nia ya uovu wa kuwashambulia watu wenye ualbino kuonekana kupungua, bado watu wenye ualbino wanaishi kwa mashaka na hofu kutokana na madhila wanayopitia katika maisha yao ya kila siku.
Kwa mtoto Mwigulu Matonange Magesa mwenye umri wa miaka 16 kutoka Tanzania kwa sasa, vitendo hivyo vimemsababishia kupoteza mkono wake mmoja katika kisa hiki anachosimulia alipohojiwa na Priscilla Lecomte kandoni mwa mkutano wa kamisheni ya Umoja wa Mataifa ya watu wenye Ulemavu uliofanyika mjini New York Marekani. Ambatana nao katika makala ifuatayo.
