Habari Mpya

Mradi wa kilimo endelevu unaofadhiliwa na Shirika la Umoja wa Mataifa la Maendeleo ya Kilimo, IFAD na Serikali ya Kenya ambao unalenga kukuza miche ya miti na kukabiliana na mabadiliko ya tabianchi umeleta manufaa kwa wakulima wadogo kutoka eneo la Kaunti ya Kiambu nchini Kenya na kuboresha ukulima wao. Mkulima mdogo Francis Njoroge ni mmoja wa mamilioni ya wakulima wadogo wanaokabiliwa na athari za mabadiliko ya tabianchi lakini kwa bahati nzuri, amefaidika na Mfuko wa Upper Tana Nairobi Water Fund unaolenga kukuza miche ya miti na kukabiliana na mabadiliko ya tabianchi.

Shirika la kimataifa la nguvu za atomiki IAEA kwa kushirikiana na serikali ya Argentina leo wamezindua utafiti wa kwanza wa kisayansi kuchunguza uwepo wa chembechembe za taka za plastiki Antaktiki kama sehemu ya juhudi za kukabiliana na changamoto inayoongezeka ya kimazingira hata katika maeneo ya mashambani na mbali zaidi ya nchi ya dunia.

Ikiwa leo ni siku ya 93 tangu mapigano yaanze huko Ukanda wa Gaza kati ya jeshi la Israel na wanamgambo wa kipalestina waliojihami, likiwemo kundi la Hamas, mashirika ya Umoja wa Mataifa ya usaidizi wa kiutu yanazungumzia uwepo wa idadi kubwa ya vifo miongoni mwa wanawake na watoto huku yakisihi timu za madaktari ziruhusiwe kuingia eneo la Gaza ili ziendelee na jukumu la kuokoa maisha. 

Nchini Nigeria katika Jimbo la Anambra shirika la Umoja wa Mataifa la Afya ulimwenguni WHO kanda ya Afrika kwakushirikiana na mpango wa Bima ya Afya ya Serikali wanabadilisha maisha ya wananchi kwa kulipia sehemu kubwa ya gharama za matibabu ili kuhakikisha kila mtu anaweza kupata huduma za afya bila kudumbukia katika umaskini.

Kamishna Mkuu wa Haki za binadamu wa Umoja wa Mataifa Volker Türk ameeleza wasiwasi mkubwa kuhusu kuongezeka kwa kauli za chuki zenye misingi ya kikabiila na uchochezi wa ghasia nchini Jamhuri ya Kidemokrasia Kongo DRC. 

Kiwango cha bei za bidhaa za chakula duniani kilipungua mwezi Disemba 2023 ikilinganishwa na mwezi uliopita, huku kukiwa na kushuka kwa kasi kwa bei ya sukari ya kimataifa, limesema Shirika la Umoja wa Mataifa la Chakula na Kilimo FAO.

Shirika la Umoja wa Mataifa la Afya, WHO, hii leo limethibisha idadi ya wagonjwa wa COVID-19 duniani kote inaongezeka kwa kasi na kwamba “tutarajie idadi kubwa zaidi ya wagonjwa katika miezi ijayo ya msimu wa baridi kali kwenye maeneo ya kaskazini mwa dunia.”

Mtaalamu wa Umoja wa Mataifa kuhusu hali ya haki za binadamu nchini Iran Javaid Rehman amelaani vikali shambulio dhidi ya sherehe za kumbukumbu ya kifo cha aliyekuwa kiongozi nchini Iran Qassem Soleimani katika mji wa Kerman. 

Wasaidizi wa kibinadamu wanatoa wito wa fursa ya ufikishaji misaada kwa haraka, salama, endelevu na usiozuiliwa kaskazini mwa Gaza kwani hali ya binadamu inazidi kuwa tete.

Ukuaji wa uchumi duniani unatarajiwa kupungua kutoka wastani wa asilimia 2.7 mwaka 2023 hadi asilimia 2.4 mwaka 2024, ukiwa chini ya kiwango cha ukuaji wa kabla ya janga la COVID - 19 la asilimia 3.0, kulingana na Ripoti ya Umoja wa Mataifa ya Hali ya Kiuchumi na Matarajio ya Dunia (WESP) 2024 iliyozinduliwa leo Januari 04 mjini New York.