Ujumbe wa Umoja wa Mataifa wa Misaada nchini Afghanistan UNAMA leo umesema una wasiwasi mkubwa kuhusu kukamatwa kiholela na kuzuiliwa kwa wanawake na wasichana kunakofanywa na maafisa wa serikali ya Afghanistan kwa sababu ya madai ya kutofuata kanuni za mavazi ya Kiislamu.
Leo Afrika Kusini imezungumza mbele ya mahakama ya Umoja wa Mataifa ya kimataifa ya haki ICJ baada ya kuwasilisha kesi katika jitihada za kukomesha mauaji ya raia huko Gaza, ikiishutumu Israel kutekeleza mauaji ya kimbari dhidi ya Wapalestina madai ambayo Israel imekanusha vikali ikisema kuwa hayana msingi wowote.
Mahakama ya kimataifa ya haki ICJ ni moja ya vyombo vikuu sita vya Umoja wa Mataifa na hapa tunakutanabaisha inafanyaje kazi, nani anawasilisha kesi ICJ na je maamuzi yake yana mashiko gani?.
Baraza la Usalama la Umoja wa Mataifa, jioni Jumatano hii saa za New York Marekani limepitisha azimio la kulaani "kwa maneno makali" mashambulizi mengi ya waasi wa Houthi katika pwani ya Yemen ambayo yamevuruga biashara ya kimataifa na kuzusha hofu ya kuongeza mzozo zaidi mawanda ya vita inayoendelea Gaza.
Kitendo cha kukataa mara kwa mara kwa mamlaka za Israel kuruhusu timu za misaada za Umoja wa Mataifa kupeleka misaada ya kibinadamu inayohitajika sana ndani ya Gaza kumezizuia hospitali tano za kaskazini mwa Gaza kupata "vifaa na vitendea kazi vya kuokoa maisha", imeonya leo ofisi ya Umoja wa Mataifa ya kuratibu misaada ya kibinadamu na masuala ya dharura OCHA.
Hii leo huko The Hague, nchini Uholanzi, Mahakama ya Kimataifa ya Haki, ICJ imetoa ratiba mpya yenye marekebisho ya usikilizaji wa shauri la Afrika Kusini dhidi ya Israel ambalo litaanza kusikilizwa kwa siku mbili kuanzia kesho mjini humo.
Botswana iko njiani kutokomeza maambukizi ya Virusi vya UKIMWI - VVU kutoka kwa mama kwenda kwa mtoto, shukrani kwa msaada kutoka Shirika la Umoja wa Mataifa la Afya WHO kanda ya Afrika wakishirikiana na mashirika ya kiraia.
Ripoti mpya iliyotolewa leo na shirika la kazi la Umoja wa Mataifa ILO kuhusu mtazamo wa ajira na kujamii imeonya juu ya kuongezeka kwa ukosefu wa ajira kimataifa kwa mwaka huu wa 2024, sanjari na ukosefu wa usawa na kudumaa kwa uzalishaji hali ambayo inaibua wasiwasi.
Mabadiliko ya tabianchi yanafanya matukio ya hali mbaya ya hewa kuwa makali zaidi na ya mara kwa mara. Mifumo ya utoaji maonyo mapema ambayo ni sahihi, rahisi kutumia na kutoa taarifa sahihi kuhusu hali ya hewa husaidia kupunguza vifo na hata kupotea kwa njia za kujipatia riziki au kipato.
Benki ya Dunia kupitia ripoti ya matarajio ya uchumi kwa mwaka huu wa 2024 inaeleza kuwa baada ya uchumi wa mwaka 2023 kufanya vibaya, nchi za kipato cha chini zitakua kwa 5.5%, chini ya ilivyotarajiwa na kwamba kufikia mwisho wa 2024, karibu 25% ya nchi zinazoendelea na karibu 40% ya nchi za kipato cha chini zitakuwa maskini kuliko kabla ya janga la COVID-19.
