Katibu Mkuu wa Umoja wa Mataifa Antonio Guterres amesema mauaji ya kimbari ya Rwanda dhidi ya Watutsi ya mwaka 1994 hayakuwa ya bahati mbaya wala yasiyoweza kuepukika.
Shirika la afya la Umoja wa Mataifa WHO limetoa wito wa dharura wa hatua za haraka za viongozi na watu wote kuhifadhi na kulinda afya na kupunguza janga la mabadiliko ya tabianchi kama sehemu ya kampeni ya "Sayari yetu, afya yetu" kuadhimisha siku ya afya, ambayo inafanyika wakati kukishuhudiwa mzozo mkubwa na udhaifu.
Vita ya sasa nchini Ukraine kufuatia uvamizi na Urusi, imezua maswali ya kila aina kuhusu Umoja wa Mataifa, hususan jukumu la Baraza la Usalama, Baraza Kuu na Katibu Mkuu.
Mwaka huu wa 2022, takriban watoto milioni 6.3 wenye umri wa miezi 6 hadi miezi 59 katika nchi 6 za ukanda wa Sahel wataathirika na tatizo la uzito mdogo ikilinganishwa na urefu wao na hivyo kuweka maisha ya watoto wasiopungua 900,000 hatarini, linaonya kundi la wataalamu wa kufuatilia lishe katika nchi zilizoko Afrika Magharibi na Kati.
Ripoti mpya ya shirika la Umoja wa Mataifa la kazi ulimwenguni, ILO, imebainisha kuwa mtu mmoja kati ya wanne hajisikii kuthaminiwa kazini, huku wale wanaohisi kujumuishwa wakiwa ni wale walioko katika majukumu ya juu zaidi, imeeleza taarifa ya ILO iliyotolewa hii leo mjini Geneva, Uswisi.
Rais wa Ukraine Volodymyr Zelenskyy amehutubia Baraza la Usalama la Umoja wa Mataifa kwa hisia kali akielezea kwa kinagaubaga kile alichodai kuwa ni mauaji ya makusudi yaliyofanywa na majeshi ya Urusi dhidi ya raia huko Bucha, viungani mwa mji mkuu Kyviv, hotuba ambayo ametoa huku akitaka wajumbe wa Baraza kuchagua kuhusu hatma ya muundo wa ulinzi na usalama ulioanzishwa baada ya Vita Kuu ya Pili ya Dunia.
Vita inayoendelea nchini Ukraine imesababisha zaidi ya watu milioni 7.1 kuyakimbia makazi yao na kusaka maeneo mengine yakuishi ndani ya nchi hiyo ambayo zaidi ya mwezi mmoja imekuwa katika machafuko.
Katibu Mkuu wa Umoja wa Mataifa António Guterres hii leo ameongeza sauti yake kwenye wito wa kimataifa unaozidi kutolewa wa kutaka uchunguzi wa madai ya uhalifu wa kivita kufuatia mauaji ya raia kwenye mji wa Bucha nchini Ukraine.
Nchini Madagascar utimizaji wa lengo la maendeleo endelevu namba 4 la elimu bora bado ni mtihani mkubwa hasa ukizingatia kwamba watoto 3 kati ya 10 hawahitimu elimu ya msingi, limeonya shirika la Umoja wa Mataifa la kuhudumia Watoto UNICEF.
Nchini Jamhuri ya kidemokrasia ya Congo, DRC kumefanyika tukio la kuaga miili ya walinda amani wanane wa Umoja wa Mataifa waliokuwa wakihudumu kwenye ujumbe wa Umoja huo wa kulinda amani nchini humo, MONUSCO. Walipoteza maisha baada ya helikopta waliyokuwa wakisafiria kuanguka tarehe 29 mwezi uliopita wa Machi.
