Ujenzi mpya na ukarabati baada ya vita nchini Ukraine unakadiriwa kugharimu dola bilioni 486 katika muongo ujao, kutoka dola bilioni 411 zilizokadiriwa mwaka mmoja uliopita, umesema utafiti uliochapishwa leo ambao umeungwa mkono na Umoja wa Mataifa.
Mratibu wa Misaada ya Kibinadamu wa Umoja wa Mataifa nchini Ukraine Denise Brown ameelezea wasiwasi wake mkubwa juu ya mfululizo wa kutisha wa mashambulizi katika miji mbalimbali ya nchi hiyo Jumanne asubuhi.
Nchini Ukraine mratibu wa Umoja wa Mataifa wa masuala ya kibinadamu wa nchi hiyo Denise Brown amelaani vikali wimbi jipya la mashambulizi ya anga ya Urusi dhidi ya miji iliyo na watu wengi nchinihumo.
Takriban miaka miwili sasa tangu majeshi ya Urusi yaanzishe "vita kamili na kuikalia Ukraine, amesema leo mkuu wa Umoja wa Mataifa wa misaada ya kibinadamu na masuala ya dharura Martin Griffiths akitoa ombi la dharura la pamoja na shirika la Umoja wa Mataifa la kuhudumia wakimbizi UNHCR la dola bilioni 4.2 ili kuwasaidia walio hatarini nchini Ukraine.
Kutana na Olga mwathirika wa vita inayoendelea nchini Ukraine ambaye baada ya nyumba yake kushambuliwa na kombora mjini Borodyanka alikataa tamaa ya Maisha lakini sasa mradi wa UNHCR wa kukarabati nyumba zilizoharibiwa na vita Ukraine umemfufulia matumaini ya Maisha yeye na mwanaye “Katika maisha mambo hayawezi kuwa mteremko tu, kuna wakati unapitia magumu na ukiwa na uvumilivu utayashinda.
Watoto wawili wameripotiwa kuuawa na wengine 15 kujeruhiwa katika mashambulizi yanayoendelea maeneo mbalimbali nchini Ukraine hii ni kwa mujibu wa taarifa iliyotolewa leo na mwakilishi wa shirika la Umoja wa Mataifa la kuhudumia watoto UNICEF nchini humo Munir Mammadzade.
Mashambulizi makubwa ya angani yaliyosababisha vifo vingi na uharibifu wa makazi na miundombinu ya raia yameikumba nchi ya Ukraine katika siku za mwanzo za mwaka 2024 kutokana na mashambulizi mapya yaliyo tekelezwa na Urusi.
Kikao cha dharura cha Baraza la Usalama la Umoja wa Mataifa kimefanyika alasiri ya Jumamosi tarehe 31 baada ya kuitishwa na Urusi kufuatia mashambulizi huko Belgorod mpakani na Ukraine, mashambulizi ambayo Afisa Mwandamizi wa Umoja wa Mataifa amelaani.
Ujumbe wa Umoja wa Mataifa wa kufuatilia Haki za Kibinadamu nchini Ukraine (HRMMU) umesema tangu kuanza kwa vita kati ya Urusi dhidi ya Ukraine tarehe 24 Februari 2022 zaidi ya raia 10,000 wamepoteza maisha nchini Ukraine kati yao watoto wakiwa ni 560 na zaidi ya 18,500 wamejeruhiwa.
