Habari Mpya

Wakati kukiwa na ripoti ya kwamba Israel inaendelea na mashambulizi ya kutokea angani huko kusini na kati mwa Gaza huku mashambulizi ya maroketi yakimiminika ndani ya Israel kutoka Gaza, mashirika ya Umoja wa Mataifa ya kusambaza misaada ya kibinadamu yamesema kwa siku tatu mfululizo hayajaweza kusambaza misaada muhimu eneo la kati na kaskazini mwa eneo hilo lililozingirwa. 

Baraza la Usalama la Umoja wa Mataifa linafanya mkutano wake wa kwanza wa wazi kuhusu mashambulizi yanayoendelea kufanywa na waasi wa Houthi katika Bahari ya Shamu, ambayo yanazidi kuwa tishio kwa biashara ya kimataifa na uthabiti wa eneo zima huku vita kati ya Israel na wapiganaji wa Palestina huko Gaza vikiendelea. Fuatilia mkutano kwenye UN Web TV.

Katibu Mkuu wa Umoja wa Mataifa Antonio Guterres amelaani vikali shambulio lililofanyika hii leo huko nchini Iran na kusababisha vifo vya zaidi ya watu 100, huku mamlaka za Iran zikiripoti kuwa zaidi ya watu 170 wamejeruhiwa.

Watoto wawili wameripotiwa kuuawa na wengine 15 kujeruhiwa katika mashambulizi yanayoendelea maeneo mbalimbali nchini Ukraine hii ni kwa mujibu wa taarifa iliyotolewa leo na mwakilishi wa shirika la Umoja wa Mataifa la kuhudumia watoto UNICEF nchini humo Munir Mammadzade.

Mfululizo wa mashambulizi ya anga yameripotiwa katika eneo lote la Gaza hii leo na "mapigano makali ya ardhini" kati ya vikosi vya Israel na wapiganaji wa Kipalestina wa Hamas katika kambi za wakimbizi katika maeneo ya kati ambayo yameripotiwa kusababisha vifo vya watu wengi.

Wataalamu wa Haki za Binadamu wa Umoja wa Mataifa akiwemo Alice Jill Edwards, anayeshughulikia masuala yanayohusu mateso, na Adhabu nyingine za Kikatili, za Kinyama au ya Kushusha, hadhi leo Januari 3 mjini Geneva-Uswisi wameelezea wasiwasi wao kuhusu kukaribia kutekelezwa kwa hukumu ya kifo kwa kutumia gesi ya nitrojeni hypoxia dhidi ya Kenneth Eugene Smith hapa nchini Marekani.  

Harakati za kunasua watu waliokwama kwenye vifusi kufuatia tetemeko kubwa la ardhi lililokumba eneo la kati mwa Japan Jumatatu alasiri kwa saa za huko na kusababisha vifo vya watu 62, Katibu Mkuu wa Umoja wa Mataifa Antonio Guterres ameelezea masikitiko yake kufuatia tetemeko hilo lililokuwa na ukubwa wa 7.6 katika kipimo cha Richa.

Nchini Tanzania, mfuko wa Umoja wa Mataifa wa Maendeleo ya Kilimo, IFAD umeleta nuru kwa jamii ya kabila la Wahadzabe, ambao mabadiliko ya tabianchi yameathiri vibaya mfumo wao wa uwindaji ili kupata chakula.

Mashambulizi makubwa ya angani yaliyosababisha vifo vingi na uharibifu wa makazi na miundombinu ya raia yameikumba nchi ya Ukraine katika siku za mwanzo za mwaka 2024 kutokana na mashambulizi mapya yaliyo tekelezwa na Urusi.

Mashirika ya Umoja wa Mataifa ya usaidizi wa kiutu hii leo Jumanne yameendelea kuelezea wasiwasi wao mkubwa juu ya hatma ya raia walionasa kwenye mapigano huko Ukanda wa Gaza wakati huu kukiwa na ripoti ya kwamba jeshi la Israel limeendelea na mashambulizi kwenye miji ya kusin mwa Gaza ya Deir al Balah, Khan Younis na Rafah huku vikundi vya kipalestina vilivyojihami vikirusha makombora usiku kucha kuelekea Israel.