Habari Mpya

Vifijo na nderemo vilisikika kwenye moja ya kumbi za mikutano kwenye makao makuu ya Umoja wa Mataifa jijini New York, Marekani hii leo baada ya wawakilishi wa serikali, wataalamu wa afya na wawakilish iwa mashirika ya kiraia kupitisha azimio la kisiasa lenye lengo la kutokomeza Kifua Kikuu au TB ifikapo mwaka 2030 ambapo pamoja na mambo mengine linalenga kufikia asilimia 90 ya watu na huduma za kinga na tiba dhidi ya TB.

Waziri Mkuu wa Pakistan Anwaar-ul-Haq Kakar amesema dunia inashuhudia mizozo ikiendelea nchini Ukraine na maeneo mengine 50 duniani kote na kwamba haiwezi tena kuhimili vita nyingine baridi hususan za kikanda kwani kuna changamoto lukuki zinazowakabili wanadamu ambazo zinahitaji ushirikiano ili kuzitatua. 

Maji yakiwa mengi yanaweza kusababisha mafuriko kama yaliyotokea hivi karibuni huko nchini Libya na uwepo wa maji kidogo unaweza kusababisha ukame kama hali ilivyo kwa nchi nyingi za ukanda wa Jangwa la Sahara kwa sasa, na ndio maana wadau wa masuala ya hali ya hewa wametaka suala la maji kuwa kitovu wakati dunia inashughulikia mabadiliko ya tabianchi. 

Endapo kutakuwa na ushirikiano wa dhati baina ya mataifa mengine ya nchi za Kiarabu na Israel basi Amani baina ya Israel na Palestina baina ya uzao wa Isac na Ismail itawezekana. Ndivyo alivyoanza hotuba yake waziri mkuu wa Israel Benjamin Netanyahu akihutubia mjadala mkuu wa Baraza kuu la Umoja wa Mataifa hii leo mjini New york. 

Mkutano wa ngazi ya juu kuhusu mapambano dhidi ya kifua kikuu au TB ukifanyika leo hapa katika Makao Makuu ya Umoja wa Mataifa jijini New York Marekani, Waziri wa Afya wa Kenya Susan Nakhumicha Wafula amesema kutokomeza TB ifikapo mwaka 2030 inawezekana endapo Dunia itashikama na kuweka msokumo mkubwa kwa ugonjwa huo kama ilivyofanya wakati wa mlipuko wa janga la COVID-19.

Hatua ya Bunge la Iran kupitisha mswada mpya utakaowabana zaidi wanawake kuhusu uhuru wa miili yao na pia uvaaji wao hususani vazi la Hijab imepokelewa kwa masikitiko makubwa na Ofisi ya Umoja wa Mataifa ya haki za binadamu, OHCHR.

Uganda imekuwa mstari wa mbele katika ukarimu wa kupokea na kukumbatia wimbi kubwa la wakimbizi  kutoka ndani ya kanda na hata imeorodheshwa kama moja ya nchi inayopokea na kuhifadhi wimbi kubwa la wakimbizi duniani. Hivyo ndivyo alivyoanza hotuba yake makamu wa Rais wa Uganda Jessica Alupo alipohutubia mjadala mkuu wa Baraza Kuu la Umoja wa Mataifa jioni ya leo jijini New York Marekani.

Msemo wa wahenga, “Jicho kwa jicho huacha kila mtu kipofu” umepata nafasi katika ukumbi maarufu wa kihistoria wa Baraza Kuu la Umoja wa Mataifa nchini Marekani pale ambapo Makamu wa Rais wa Tanzania, Dkt. Philip Isdor Mpango ameutumia msemo huo akisisitiza amani ulimwenguni alipohutubia Baraza Kuu la Umoja wa Mataifa saa za jioni jijini New York.

Rais wa Sudan Kusini, Salvar Kiir Magardit, ametaka nchi yake kuondolewa vikwazo vya silaha akieleza vinakwamisha maendeleo ya nchi yao.

Jamii ya kimataifa inapaswa kushungulikia mizizi ya mlipuko wa mapinduzi ya kijeshi uliokumba bara la Afrika baada ya mlipuko wa COVID-19, badala ya kulaani wale wanaofanya mapinduzi, amesema Rais Kanali Mamadi Doumbouya, akihutubia Baraza Kuu la Umoja wa Mataifa hii leo jijini New York, Marekani.