Wakati idadi ya watu wanaokimbia jimbo la Tigray nchini Ethiopia kuingia mashariki mwa Sudan sasa imezidi 40,000, shirika la Umoja wa Mataifa la kuhudumia wakimbizi, UNHCR linafanya jitihada kupata msaada wa kutosha unaohitajika kwa watu hao walio katika uhitaji mkubwa.
Maisha yangu yote sijawahi kuona dagaa akiogelea mwenyewe, mara zote huenda pamoja kwenye kundi hata kwenye giza, wakisaka si tu mlo wa siku, bali kustawi! Vivyo hivyo kikundi cha wanawake cha Kazi Women Group cha mkoani Kigoma cha kuchakata na kuongeza thamani kwa dagaa.
Mwakilishi Maalum wa Katibu Mkuu wa Umoja wa Mataifa nchini Jamhuri ya Kidemokrasia ya Congo, DRC, Leila Zerrougui, amekaribisha uamuzi wa mahakama ya kijeshi nchini humo wa kumpata na hatia na hatimaye kumhukumu adhabu ya kifungo cha maisha jela Ntabo Ntaberi Sheka.
Wataalam wa WMO wameeleza kuwa licha ya kupungua kwa uzalishaji wa viwandani kwa sababu ya janga la COVID-19 na karantini, mkusanyiko wa hewa ya ukaa, CO2 angani bado uko juu.
Kabla ya janga la ugonjwa wa Corona au COVID-19, idadi kubwa ya wakimbizi nchini Misri walikuwa tayari katika hali ya hatari katika kujikwamua maisha yao. Sasa na janga la Corona, wengi wao wamepoteza vyanzo vyao vya kipato na wanahaha kukimu mahitaji yao ya msingi.
Shirika la Afya la Umoja wa Mataifa, WHO na kundi la wataalam washauri wa chanjo katika ukanda wa Afrika, RITAG, wametoa wito kwa nchi na wadau wa afya kutanguliza huduma za chanjo ambazo zimevurugwa na janga la COVID-19 ili kulinda watoto na jamii dhidi ya magonjwa yanayoweza kuzuiliwa na chanjo.
Tanzania imeteuliwa kuwa Mwenyekiti wa Kamati ya Hati za Utambulisho ya Baraza Kuu la Umoja wa Mataifa, New York, kwa mwaka 2020/2021.
Shirika la Umoja wa Mataifa la idadi ya watu duniani UNFPA ambalo pia limejikita katika masuala ya kijinsia na afya ya uzazi limesema janga la corona au COVID-19 limekuwa ni kuongeza msumari wa moto juu ya kidonda kwa wanawake na wasichana milioni 11 wanaopitia ukatili wa kijinsia GBV nchini Ukraine na sasa linashirikiana na programu za serikali kuzuia na kukabiliana na ukatili huo
Shirika la Umoja wa Mataifa la kuhudumia watoto UNICEF limeanza majadiliano leo na mashirika zaidi ya 350 kote duniani ili kupanga mipango ya kusambaza chanjo dhidi ya corona au COVID-19 pindi zitakapokuwa tayari.
Shirika la chakula na kilimo la Umoja wa Mataifa, FAO linasema uvuvi uko njiapanda hususani katika nchi maskini ingawa ni wazi kuwa samaki ni muhimu katika kupambana na umaskini.
