Habari Mpya

Mwakilishi maalumu wa Umoja wa Mataifa kwa ajili ya uhamiaji wa kimataifa  Louise Abour amesema dhamira iliyowekwa bayana na nchi kadhaa ikiwemo Hungary, Poland , Jamhuri ya Czech na Australia ya kujiengua kwenye mkataba wa kimataifa wa wahamiaji inaonyesha picha mbaya kwao na ina athari kubwa katika ari ya ushirikiano wa kimataifa . 

Nchini Sri Lanka, shirika la Umoja wa Mataifa la idadi ya watu, UNFPA na shirika moja liitwalo Cheer Up Luv wanafanya kampeni ya pamoja kukabiliana na unyanyasaji wa kingono dhidi ya wanawake kwenye usafiri wa umma.

Nchini Tanzania hii leo walinda amani watatu wa taifa hilo waliouawa katika matukio tofauti ya mapigano huko Jamhuri ya Kidemokrasia ya Congo, DRC na Jamhuri ya Afrika ya Kati, CAR wameagwa rasmi katika tukio lililoongozwa na Waziri wa Ulinzi Dkt. Hussein Mwinyi.

Wakati dunia ikiadhimisha siku ya mtoto duniani, Millie Bobby Brown ametangazwa kuwa balozi mwema mpya wa Shirika la kuhudumia watoto UNICEF.  Mtoto huyu wa umri wa miaka 14 anakuwa mtu mdogo zaidi kuwa na wadhifa huo wa balozi mwema wa UNICEF. 

Baraza la  Usalama la Umoja wa Mataifa leo limepitisha azimio la kuondoa vikwazo dhidi ya Eritrea ambavyo nchi hiyo ilikuwa imewekewa tangu mwaka 2009, hatua hiyo ikielezwa kuwa ya kihistoria. 

Mpango wa shirika la wakimbizi duniani, UNHCR wa kuwapatia wakimbizi walioko Tanzania hifadih katika nchi ya tatu umeendelea kuleta tija kwa wakimbizi wakiwemo wale kutoka Jamhuri ya Kidemokrasia ya Congo, DRC ambao sasa wanapazia jinsi walivyonufaika. 

Hatua mpya za kukabiliana na changamoto za vita dhidi ya mlipuko wa Ebola nchini Jamhuri ya Kidemokrasia ya Congo, DRC zinazaa matunda ingawa mlipuko huo bado unasalia kuwa hatari na usiotabirika.

Katika kipindi cha zaidi ya muongo mmoja waandishi habari takriban elfu moja  wameuawa wakati wanafanya kazi yao adhimu, amesema Katibu Mkuu wa Umoja wa Mataifa katika ujumbe wake wa siku ya kimataifa ya kukomesha ukwepaji sheria kwa uhalifu dhidi ya waandishi wa habari.

Hivi karibuni katika mlolongo wa mijadala ya Afrika kwenye makao makuu ya Umoja wa  Mataifa kulifanyika mkutano wa siku moja kuhusu jinsi jamii ya kimataifa inaweza kukomesha milio ya bunduki barani Afrika, mkutano ambao ulihudhuriwa na wawakilishi wa nchi wanachama wakiwemo wabunge.

Waziri wa mambo ya nje wa Burundi amesema kwa ujumla hali ya usalama na utulivu imerejea Burundi na kilichosalia ni  matukio madogomadogo ya utovu wa nidhamu.