Syria

Umoja wa Mataifa unaendelea kufuatilia kwa karibu hali inayotia hofu kubwa Kaskazini Magharibi mwa Syria kufuatia taarifa kwamba askari kadhaa wa Uturuki wameuawa kwenye shambulio la anga. Katibu Mkuu wa Umoja wa Mataifa Antonio Guterres amerejelea wito wake wa kusitisha uhasama mara moja na kuokoa Maisha ya raia walio hatarini kufiuatia machafuko yanayoendelea na mashambulizi.

Katibu Mkuu wa Umoja wa Mataifa Antonio Guterres ametoa wito kwa jumuiya ya kimataifa kushikamana katika kukabiliana na changamoto ya wakimbizi wa ndani wakati akifungua mkutano wa jopo jipya la ngazi ya juu kuhusu wakimbizi wa ndani mjini Geneva Uswis.

Kamishna Mkuu wa haki za binadamu wa Umoja wa Mataifa, Michelle Bachelet hii leo akihutubia mkutano wa 43 wa Baraza la Haki za binadamu mjini Geneva Uswisi amesema vitisho dhidi ya haki za binadamu, maendeleo na amani vinaweza kuwa vinaongezeka lakini pia utatuzi kwa vitendo unaozingatia kaanuni nzuri za haki nao unaongezeka.

Katibu Mkuu wa Umoja wa Mataifa Antonio Guterres hii leo akiwa Geneva, Uswisi amehutubia Baraza la Haki za binadamu la chombo hicho na kuzindua wito wake wa kuchukua hatua ili kulinda haki za binadamu duniani.

“Hakuna suluhu ya kijeshi kwenye mzozo wa Syria,”  amesisitiza tena hii leo Katibu Mkuu wa  Umoja wa Mataifa António Guterres huku akitoa wito kwa kumalizwa kwa janga hilo lililosababishwa na binadamu na kuleta machungu ya muda mrefu kwa wananchi wa Syria.

Kadri vitisho vitokanavyo na  mabadiliko ya tabianchi na biashara vinavyozidi kushika kasi, nchi nazo zinashindwa kuchukua hatua kuweka mazingira bora kwa afya ya mtoto, imesema ripoti mpya iliyochapishwa kwa ushirikiano kati mashirika ya Umoja wa Mataifa lile la kuhudumia watoto, UNICEF na lile la afya, WHO na jarida la Lancet.

Katibu Mkuu wa Umoja wa Mataifa António Guterres ametoa wito kwa sitisho la haraka la mapigano nchini Syria, wakati huu ambapo zaidi ya watu 900,000 wamekimbia makazi yao tangu mapema mwezi Desemba mwaka jana.

Hii leo kwenye makao makuu ya  Umoja wa Mataifa jijini New York, Marekani kumeanza mkutano wa mwaka wa Umoja wa Mabunge duniani, IPU ambapo suala kuu linalomulikwa ni elimu.

Mashambulizi ya angani na ardhini ya jimbo la Idlib Kaskazini Magharibi mwa Syria yanasababisha wimbi kubwa la watu kutawanywa na Maisha ya raia kupotea na haya ni madhila ambayo hayastahili na yanapswa kukomeshwa sasa amesema Geir Pedersen mwakilishi maalum wa Umoja wa Mataifa nchini Syria akitoa taarifa kwenye Baraza la Usalama la Umoja wa Mataifa hii leo.

Shiriika la Umoja wa Mataifa la kuhudumia watoto UNICEF limetoa wito wa kusitisha mapigani mara moja ili kuwalinda watoto na kuruhusu uingizaji wa misaada ya kibinadamu bila vikwazo.