LUGHA YA KISWAHILI KIMATAIFA

Katika Jarida la Habari za Umoja wa Mataifa hii leo Siraj Kalyango anaangazia 

Watoto katika vita vya silaha Sudan Kusini na ziara ya Virginia Gamba

Pilika za kuelekea uchaguzi mkuu Jamhuri ya Kidemokrasia ya Congo DRC, na ukiukwaji wa haki za binadamu

Ulinzi wa amani na changamoto zake kwa walinda amani wa Tanzania utamsikia Meja Jenerali Alfred Fabian Kapinga

Makala leo inamulika ujumbe wa amani kupitia muziki

Na katika Kiswahili "usiogope kuuliza kwani kuuliza si ujinga" ungana na mchambuzi Ken Walibora

Katika Neno la wiki la leo Ijumaa 17-08-2018  Onn Sigalla  kutoka  baraza la Kiswahili Tanzania BAKITA , anachambua neno Shinda.

Jaridani hii leo Assumpta Massoi anaangazia:

Lugha za asili barani Afrika zinaangaziwa tarehe 25 mwezi huu wa Mei, ambayo ni siku ya Afrika.

Kuelekea siku hiyo, kumekuwepo na taarifa ya kwamba lugha ya kiswahili ni ya kwanza kwa kuzungumzwa na watu wengi zaidi ikifuatiwa na Hausa halafu Yoruba.

Jambo lililoibua hoja na mjadala mzito kwenye mtandao wa Twitter, si kuongoza kwa lugha hiyo bali ni idadi iliyowekwa ambayo ni milioni 98.

Ili kusaka ukweli wa hoja hiyo nimezungumza na Profesa Aldin Mutembei, kutoka Taasisi ya Taaluma za Kiswahili za Chuo Kikuu cha Dar es Salaam na kumuuliza je takwimu ni sahihi?

Ijumaa ya leo mchambuzi wetu wa neno la wiki ni Ken Walibora ambaye ni mwana riwaya na mwanachama wa Chama cha  Kiswahili cha Taifa nchini Kenya, CHAKITA. Anachambua methalo isemayo "joka la mdimu hulinda watundao." Je wewe ni joka la mdimu? Walibora anasema kuwa joka la mdimu ni wale walindao vitu ambavyo mwisho wa siku wala hawawezi kuvitumia. Kwa ufafanuzi wa kina ungana naye.

Katika neno la wiki hii leo, mchambuzi wetu Onni Sigalla ambaye ni Mhariri Mwandamizi wa Baraza la Kiswahili la Taifa nchini Tanzania, BAKITA, anachambua neno HABA. Anasema neno hilo mara nyingi huchanganywa na SI na kusomeka kuwa neno moja SIHABA. Hivyo anasema katu si hivyo. Si haba. Anaenda mbali akifafanua visawe vya neno hilo

Takribani aina moja ya dawa kati ya 10 zinazotumika katika nchi za kipato cha chini na kati ni bandia au hazijakidhi viwango.

Hii ni kwa mujibu wa utafiti mpya uliotolewa leo na shirika la afya ulimwenguni, WHO.

WHO inasema taarifa hizo zinamaanisha kwamba watu wanatumia dawa ambazo zinashindwa kutibu au kuzuia magonjwa na hiyo haisababishi tu hasara ya kiuchumi bali pia vifo.

Lugha yako ndio mkombozi wako!  Ikiwa leo ni siku ya Afrika, lugha za asili za Afrika nazo zimepigiwa chepuo na miongoni mwao ni lugha ya Kiswahili ambayo barani Afrika pekee inaongoza kwa kuzungumzwa na watu wengi zaidi, idadi ikitajwa kuwa ni zaidi ya watu milioni 200.

Katika neno la wiki hii leo mchambuzi wetu Onni Sigalla, Mhariri Mwandamizi wa Baraza la Kiswahili la Taifa nchini Tanzania BAKITA anafafanua neno “Upako”,  Ungana naye...