Magonjwa ya kinywa, ingawa kwa kiasi kikubwa yanazuilika, husababisha mzigo mkubwa wa kiafya kwa nchi nyingi na huathiri watu katika maisha yao yote, na kusababisha maumivu, usumbufu, kulemaa na hata kifo kwa mujibu wa sjirika la afya la Umoja wa Mataifa duniani WHO huku ikikadiriwa kuwa magonjwa ya kinywa huathiri takriban watu bilioni 3.5 duniani kote.
Katika kuhakikisha watoto wanapata chanjo zote zinazohitajika, shirika la Umoja wa Mataifa la kuhudumia watoto UNICEF nchini Yemen limekuja na mbinu ya kutumia watoto kuhamasisha jamii kupeleka watoto kupata chanjo.
Nasra Kibukila akiwakilisha Shirika la Mtandao wa Elimu Tanzania (TEN/MET) katika Mkutano wa 68 wa Kamisheni ya Hali ya Wanawake duniani ulioanza Machi 11 hadi Machi 22, 2024 jijini New York, Marekani amezungumza na Idhaa ya Kiswahili ya Umoja wa Mataifa na kueleza wanayoyatekeleza nchini Tanzania ili kuhakikisha elimu bora hususani kwa wasichana.
Utumikishaji binadamu kwenye sekta ya uchumi binafsi ikiwemo biashara ya ngono, viwandani na kwenye mashamba huingiza dola bilioni 236 za faida isiyo halali kila mwaka, imesema ripoti mpya iliyotolewa leo na shirika la Umoja wa Mataifa la kazi duniani, ILO.
Wasaidizi wa kibinadamu wa Umoja wa Mataifa wamesisitiza azimio lao hii leo la kuwasaidia watu wa Gaza ambapo idadi inayoongezeka ya watoto wako kwenye "kingo za kifo" kutokana na njaa kali, iliyosababishwa na miezi mitano ya mashambulizi makali ya Israel na kunyimwa misaada mara kwa mara.
Mwaka 2023 ulikuwa mwaka wenye joto zaidi duniani katika rekodi zote zilizowahi kunukuliwa, limesema shirika la Umoja wa Mataifa la hali ya hewa duniani, WMO katika ripoti yake iliyotolewa hii leo huko Geneva, Uswisi.
Huku kukiwa na wasiwasi wa kimataifa kuhusu ongezeko la njaa katika jamii zilizoathiriwa na mizozo na mazungumzo ya kuongezeka kwa viwango vya uhaba wa chakula ambavyo vinaweza kusababisha njaa, WFP imeangalia jinsi na lini baa la njaa linavyoainishwa.
Kenya ni miongoni mwa nchi nne duniani zilizoshiriki katika kuandaa mpango unaoonesha ni kwa kiasi gani uwekezaji katika uchunguzi na tiba dhidi ya ugonjwa wa Kifua Kikuu au TB unaweza kuleta mafanikio makubwa katika kutokomeza ugonjwa huo unaoendelea kuua duniani licha ya kuwa na kinga na tiba.
Hali ya uhakika wa kupata chakula huko Gaza, ni tete na baa la njaa linanyemelea kwenye majimbo ya kaskazini mwa eneo hilo imesema ripoti mpya ya hali ya chakula Gaza iliyotolewa leo na shirika la Umoja wa Mataifa la Chakula na Kilimo, FAO, likisema jawabu la kuondokana na hali hiyo ni amani.
Timu kutoka Kurugenzi ya Haki Sheria ya Jeshi la Ulinzi wa Wananchi wa Sudan Kusini (SSPDF) mwishoni mwa wiki kwa usaidizi wa Ujumbe wa Umoja wa Mataifa nchini Sudan Kusini (UNMISS), imehitimisha tathmini yake katika Kaunti ya Maridi jimboni Equatorial Magharibi kutathmini kesi zinazohusisha wanajeshi wa nchi hiyo.
