Habari Mpya

Katibu Mkuu wa Umoja wa Mataifa António Guterres amewaambia waandishi wa habari katika mpaka wa Rafah unaovuka kuingia Ukanda wa Gaza kwamba ni wakati wa kusitishwa kwa mapigano na kwa "dhamira ya kidhalimu ya Israel" kuruhusu uwasilishaji wa misaada bila vikwazo katika eneo la Palestina lililozingirwa alipokuwa akianza safari yake ya kila mwaka ya mshikamano wakati wa mwezi wa  Ramadhani siku ya Jumamosi, ziaranatakayozuri nchi za Misri na Jordan.

Kutokana na kuongezeka kwa mizozo na migogoro ya kibinadamu, Katibu Mkuu wa Umoja wa Mataifa António Guterres ameanza safari yake ya kila mwaka ya mshikamano kipindi cha Ramadhani, inayoanza wikendi hii mjini Cairo, Misri. Safari hiyo ambayo inasadifiana na mwezi mtukufu wa Ramadhani, inafanyika katika nyakati za misukosuko hasa kutokana na mzozo unaoendelea huko Gaza.

Haiti inakabiliwa na ghasia zilizoenea za magenge ya uhalifu, taasisi za nchi hiyo ziko kwenye hatihati ya kuporomoka na raia wake wanakabiliwa na changamoto za kila siku za kuweza kuishi. Hata hivyo, katikati ya janga hili la usalama na kibinadamu, Umoja wa Mataifa unaendelea kutoa msaada muhimu kwa watu walioathirika.

Katibu Mkuu wa Umoja wa Mataifa Antonio Guterres amelaani vikali shambulio la kigaidi lililotekelezwa leo kwenye ukumbi wa tamasha nje ya mji wa Moscow, nchini Urusi ambapo takriban watu 40 wameripotiwa kuuawa na wengine zaidi ya 100 kujeruhiwa.

Katibu Mkuu wa Umoja wa Mataifa Antonio Guterres amelaani vikali mashambulizi makubwa ya leo ya makombora na ndege zisizo na rubani yaliyotekelezwa na Urusi kwenye miji na maeneo mbalimbali ya nchi ya Ukraine 

Wataalamu huru wa Umoja wa Mataifa leo wameelezea wasiwasi wao kuhusu kuongezeka kwa ripoti za ulanguzi wa binadamu hasa wanawake na wasichana, kwa madhumuni ya unyanyasaji wa kingono na utumwa wa kingono, ndoa za utotoni na za kulazimishwa, na kuajiri wavulana kushiriki katika mapigano nchini Sudan, kutokana na kuendelea kuzorota kwa mgogoro wa kibinadamu nchini humo ambao umesababisha watu zaidi ya milioni 9 kufungasha virago na kuyahama makazi yao.

Huku kukiwa na ripoti za mashambulizi ya mabomu yanayoendelea kote Katika Ukanda wa Gaza siku ya Ijumaa, wahudumu wa kibinadamu wa Umoja wa Mataifa wameangazia "viwango vya kutisha vya magonjwa na njaa" baada ya kutembelea hospitali iliyozidiwa wagonjwa huko kaskazini mwa eneo hilo.

Katika Baraza la Usalama la Umoja wa Mataifa lililokaa asubuhi hii ya Machi 22 saa za New York Marekani, Urusi na China zimepinga kwa kura ya turufu rasimu ya azimio la Marekani lililotaka "ulazima" kwa usitishaji mapigano haraka na thabiti "kuwalinda raia kutoka pande zote," kuwezesha uwasilishaji wa misaada inayohitajika na kuunga mkono mazungumzo yanayoendelea kati ya Israeli na Hamas.

Ongezeko kubwa la ghasia mashariki mwa Jamhuri ya Kidemokrasia ya Congo ambalo limesababisha takriban watu 400,000 kupoteza makazi katika Kivu Kaskazini tangu mwanzoni mwa mwaka kuna hatari ya kuwaweka watoto kwenye ghasia zaidi kama ulinzi wao hauwezi kuimarishwa, limeonya leo Shirika la Umoja wa Mataifa la kuhudmia watoto (UNICEF).

Ikiwa leo ni siku ya Siku ya Maji, duniani, mkulima Tenefo Votsirasoa kutoka maeneo ya kijiini huko Madagascar anaelezea ni kwa viji maji ni kila kitu kwake yeye, baada ya kunufaika na mradi wa umwagiliaji mazao uliofadhiliwa na shirika la Umoja wa Mataifa la kuhudumia watoto, UNICEF.