Guterres: Ni wakati wa Gaza kufurika misaada ya kibinadamu
Katibu Mkuu wa Umoja wa Mataifa António Guterres akizungumza na wanahabari katika mpaka wa Rafah, Misri.
Guterres: Ni wakati wa Gaza kufurika misaada ya kibinadamu
Msaada wa Kibinadamu
Katibu Mkuu wa Umoja wa Mataifa António Guterres amewaambia waandishi wa habari katika mpaka wa Rafah unaovuka kuingia Ukanda wa Gaza kwamba ni wakati wa kusitishwa kwa mapigano na kwa "dhamira ya kidhalimu ya Israel" kuruhusu uwasilishaji wa misaada bila vikwazo katika eneo la Palestina lililozingirwa alipokuwa akianza safari yake ya kila mwaka ya mshikamano wakati wa mwezi wa Ramadhani siku ya Jumamosi, ziaranatakayozuri nchi za Misri na Jordan.
Mapema hii leo Katibu Mkuu wa Umoja wa Mataifa alianza ziara yake kwa kutembelea na kuzungumza na raia wa Palestina na familia zao katika Hospitali Kuu ya El Arish, Misri. Alizungumza na wagonjwa mbalimbali wakiwemo wanawake na watoto na kuwaeleza kuwa "ameguswa sana na simulizi zao, uzoefu na shida walizovumilia".
Ziara katika mpaka wa Rafah
Katika mpaka wa karibu wa Rafah na Gaza, Mkuu huyo alizungumza na waandishi wa habari nakusema Ramadhani ni wakati wa kueneza maadili ya huruma, ujamaa na amani.
"Inasikitisha kwamba baada ya mateso mengi kwa muda wa miezi mingi, Wapalestina huko Gaza wanaadhimisha Ramadhani huku mabomu ya Israel yakiwa bado yanaanguka, risasi zikiendelea kuruka na misaada ya kibinadamu bado inakabiliwa na kikwazo," alisema.
"Kufunga nanyi katika Ramadhani, ninafadhaika sana kujua watu wengi huko Gaza hawataweza kuwa na iftari inayofaa."
Wapalestina huko Gaza - watoto, wanawake, wanaume - wanabaki kukwama katika jinamizi lisilokoma, alisema, huku jamii zikiharibiwa, nyumba zikibomolewa, familia nzima na vizazi vikiangamizwa na baa la njaa likiwanyemelea.
Katibu Mkuu wa Umoja wa Mataifa António Guterres (kushoto) akizungumza na mgonjwa wa Kipalestina katika hospitali ya El Arish nchini Misri.
Ucheleweshaji wa misaada ni ‘ghadhabu ya kimaadili’
"Hapa katika mpaka huu, tunaona huzuni na kutokuwa na moyo kwa yote," alisema, akionesha mstari mrefu wa lori za misaada zilizozuiwa upande mmoja wa lango na "kivuli kirefu cha njaa kwa upande mwingine".
“Hiyo ni zaidi ya huzuni; hasira za kimaadili," alisema, na kuongeza kuwa "mashambulizi yoyote zaidi yatafanya kila kitu kibaya zaidi" kwa raia wa Palestina, mateka na watu wote wa eneo hilo.
Wito wa kuachiliwa kwa mateka na kusitisha mapigano sasa
Haya yote yanadhihirisha kuwa ni zaidi ya wakati wa kusitisha mapigano mara moja na kwa "kujitolea kwa Israeli kuhakikisha kuna ufikiaji kamili, usio na kizuizi kwa bidhaa za kibinadamu kote Gaza", alisema, akisisitiza kwamba katika roho ya huruma ya Ramadhani, ni wakati wa haraka kuachiliwa kwa mateka wote.
Pia alizitaka nchi zote wanachama wa Umoja wa Mataifa kuunga mkono UNRWA shirika la Umoja wa Mataifa la kusaidia wakimbizi wa kipalestina kwa "kazi ya kuokoa maisha inayoongozwa nao na ambayo ndio uti wa mgongo wa shughuli zote za misaada ya Gaza".
Akiahidi kuendelea kufanya kazi na Misri ili kurahisisha mtiririko wa misaada, alikuwa na ujumbe kwa Wapalestina huko Gaza: "hamko peke yenu."
Wafanyakazi wa Umoja wa Mataifa wakiwasilisha misaada huko Kaskazini mwa Ukanda wa Gaza.
'Ni wakati wa Gaza kufurika misaada'
"Watu kote ulimwenguni wamekasirishwa na mambo ya kutisha ambayo sote tunashuhudia kwa wakati halisi," alisema. "Ninabeba sauti za watu wengi duniani ambao wameona vya kutosha, ambao wametosha na ambao bado wanaamini kwamba utu na adabu ya binadamu lazima itufafanue kama jumuiya ya kimataifa."
Hilo ndilo "tumaini letu pekee", alisema.
"Ni wakati wa kufurika Gaza kwa misaada ya kuokoa maisha; chaguo ni wazi: ama kuongezeka au njaa, "alisema. "Wacha tuchague upande wa msaada - upande wa matumaini - na upande sahihi wa historia."
“Sitakata tamaa,” akasema, “na sisi sote hatupaswi kukata tamaa katika kufanya yote tuwezayo ili ubinadamu wetu wa kawaida ushinde.”